Sabotahe Hospital ta un calamidad financiero pa Aruba

    705
    0
    SHARE
    - Advertisement -

    Na construccion SOGA 257 Miyon y SZA 30 Miyon

    *Banda di huur hopi halto Aruba lo mester cubri gasto

    *Fraude Laboratorio y mudansa boiler tambe mester paga

    ORANJESTAD(AAN)–Ademas di peligernan grandi cu nan ta contene pa e bienestar di Aruba, desaroyonan na Hospital for di momento di su construccion a nifica cu e gastonan pa pueblo a sigui subi.

    Informacionnan alarmante ta alcansa DIARIO cu peticion pa pueblo bay haya un bista total di loke a pasa cu Hospital for di momento cu a anuncia construccion di e hospital nobo te awor.

    Cifranan oficial di e autoridad financiero di Aruba ta indica a base di nan investigacion den e proyecto, ta mustra cu pa construccion di e hospital SOGA cu a percura pa placa subi mesa pues inversion, a haci un gasto di 257 Miyon na gunning total, cu ta e suma total cu a acorda pa e companianan cu ta encarga cu e construccion.

    E fundacion SZA cu ta Stichting Ziekenverpleging Aruba, tabata encarga cu 30 Miyon pa por a cumpra ekipo y meubel.

    Aruba no a keda liber pasobra Aruba pa medio di Gobierno lo mester paga durante 29 aña, e suma total di 653 Miyon na huur manera ya DIARIO a splica.

    E suma cu pueblo di Aruba lo mester paga den casi 30 aña na huur lo mester wordo acompaña pa gastonan adicional, cu ta presenta nan mes.

    Importante ta bira awor, con ta bay cubri tur gasto adicional, cu a cuminsa cu e alma di un hospital cu tabata e sala di operacion cu a lubida den e planificacion di cinco strea di gobierno anterior.

    Ora a keda clarifica cu durante yobida, tin awasero tambe den hospital cu ta yega cu awa, e constructornan a mustra dede riba gerencia di hospital cu mester paga e gastonan aki.

    Den caso di e boiler ta poco mas dificil. Pueblo pa medio di gobierno ta paga huur di e edificio cu mester tin un boiler. Awor mester clarifica si e huur cu pueblo ta paga ta pa un edificio cu of sin boiler of cu e boiler tabata parti di ekipo.

    Di un forma of otro tur gasto realmente ta di pueblo pasobra tur e instancianan menciona ta atende cu placa di pueblo. Pero sikiera tin indicacion kende tin responsabilidad pa kico.

    E calamidad nobo na hospital, cu ta e sabotahe cu a kibra e sistema di computer ta bira otro problema. Si bay tras di loke tin ariba, Stichting Ziekenhuis Verpleging mester a percura pa e ekipo computerisa di hospital tabata bon proteha.

    Ya cu placa di e entidad aki ta depende di gobierno, mester bay na gobierno atrobe pa dicidi kico a stipula pa e proteccion total di e sistema computerisa.

    Informantenan ta papia di un gasto enorme cu Hospital lo tin pa pone su sistema centralisa di cuido cu ta afecta henter e sistema di cuido medico na Aruba, na orden.

    Informantenan ta papia di un calamidad financiero pa pueblo cu ta bay acompaña pa e calamidad financiero cu e fraude di laboratorio tabata ya cu laboratorio mester laga haci tur test di nobo y mester cubri tur gasto envolvi.

    E gastonan aki tambe ta pa pueblo aunke laboratorio ta otro entidad huridico cu a wordo introduci.

    Kico a pasa realmente den laboratorio, ainda mester sali na cla y informantenan ta spera cu a print of back up e rapport laboratorio pa evita cu mester cuminsa di nobo!

    E potret ta duna un bista di e famoso boiler.

    - Advertisement -

    DUNA COMENTARIO

    Please enter your comment!
    Please enter your name here