Home Parlamento Robert Candelaria a converti su mes di un polis respeta pa un...

Robert Candelaria a converti su mes di un polis respeta pa un pastor mentiroso y manipulador

73
0
SHARE
- Advertisement -

Parlamentario Endy Croes 

ORANJESTAD (AAN) – Parlamentario Endy Croes a bisa cu el a tuma nota di un comunicado di Robert Candelaria kende ta cuestiona e supuesto movecion straño y dudoso cu Gobierno kier ehecuta cu propiedad y/of terenonan estatal.

Segun Sr. Croes,  Candelaria tin toolnan legitimo den su man manera Reglement van Orde  unda e por haci preguntanan por escrito na Gobierno si dado caso Candelaria no ta compronde of ta desea splicacion of aclaracion riba un of otro tema.

No obstante Candelaria tampoco nunca ta na trabou, e no ta haci uso di esaki pero ta scoge pa bay prensa y lanta stof cu no ta existi.

 

Sr. Croes a sigui bisa cu Candelaria den su articulo ta bisa cu e bendemento di tereno di erfpacht pa eigendomsgrond cu companianan estatal lo trece cune un aumento drastico di prijs di awa y coriente unda pueblo lo bay paga pa esaki finalmente. E ta puntra,  pakico Candelaria  no ta haci su trabou y manda puntra, ricibi splicacion promer cu e lanta calumnianan falso?  “Bo ta un Pastor y den e 10 mandamentonan un di nan ta no gaña y no calumnia”.  Pa e malasuerte di e profeta falso Robert Candelaria, momento su comunicado a wordo publica mesun momento Gobierno a anuncia rebaho di prijs di coriente cu 10% pa pueblo. Pues e rebaho aki ta conta pa Robert Candelaria tambe. Sea poco gradicido den bida. Esaki hustamente ta demostra con Candelaria ta gaña y manipula cu prijs di awa y coriente ta bay subi.

 

Segun Parlamentario Croes lamentablemente Robert Candelaria a converti su mes di un Polis respeta pa un Pastor mentiroso y manipulador. Esaki no ta nada straño pasobra pa bo subi lista di AVP bo mester ta minimo un gañador, un corupto, un ladron, un manipulador, un bandido pa bo por bin na remarke promer bo drenta curso cerca Mike Eman y algun maestro di Universidad. Plan di Gobierno pa bende terenonan erfpacht inicialmente cu companianan estatal convertiendonan nan erfpachtsgrond den eigendomsgrond, despues companianan priva y hasta den futuro cu pueblo  ta un proceso cu Hulanda mes a pasa aden. Esaki den buki di e propio companianan ta duna nan mas assets y mas forsa. Pues no ta nada nobo.

 

 

E mesun Candelaria aki a bin Aruba cu henter famia riba custia di e pueblo aki, Parlamentario Croes a enfatiza, pasobra nunca el a paga gobierno bek tur e gastonan di su 4 biahenan plus traslado. Candelaria a cobra 8000 florin pa luna como coordinador pa e campaña sin nunca a traha pa e placa aki.  Na Aruba  ta yama hendenan asina abusador di pueblo. Candelaria kier a bira Director na Directie Scheepvaart cu salario di 20 mil pa luna. Mike Eman a firma e Ministerraad Besluit aki pe. Danki na e cambio di gobierno cu a logra para e abusonan aki. Endy Croes ta termina bisando Robert Candelaria “dime con quien andas y te dire quien eres”.

 

- Advertisement -

DUNA COMENTARIO

Please enter your comment!
Please enter your name here