Home Labor Proceso cu ta sigui den e Arbowet ta rekeri  di un trabao...

Proceso cu ta sigui den e Arbowet ta rekeri  di un trabao hopi grandi

170
0
SHARE
- Advertisement -

Experto y na Oficina di Labor Flora Petronilia:

ORANJESTAD (AAN) — Flora Petronilia, funcionario na Departamento di Labor, experto den e ley di Arbowet, den entrevista cu DIARIO a elabora tocante e necesidad di bin cu cambio riba e ley di salud y seguridad social ya cu e ley existente ta hopi anticua.

Sra. Petronilia a referi na e Dialogo Tripartite, y kico ta haciendo pa trece e cambio, pa wak kico ta e mihor maneho cu gobierno por adkiri pa cuminza traha riba dje, y di eynan a determina pa bin cu un Arbowet.

Pa traha den e Arbowet Petronilia a sali for di e parti di Inspeccion Laboral, pa bay den e parti di beleid.

Tocante e Dialogo Tripartite cu a tuma lugar siman pasa, den cual gobierno, sindicatonan y sector priva a bin hunto, sra. Petronilia a menciona cu esaki a bay hopi bon.

Petronilia a splica cu Presidente di SIMAR, sra. Josephine Albertus ora a duna su presentacion a saca e calculo di 26 pa 27 aña, aunke e lucha aki ta biniendo for di prome cu Status Aparte.

E Dialogo Tripartite Social-Laboral su prome tema tabata Arbowet. Flora. Petronilia, como profesional den e area, a subraya cu e dialogo a bay hopi bon. Nan a bay articulo pa articulo, den e presentacion y cada tres partnernan por a haci nan preguntanan.

Na final tur articulo a wordo aproba cu e cambionan cu a wordo señala y ora ey a bay pa e votacion unda tur e partnernan a bay pro. Sra. Petronilia a subraya cu for di aña pasa nan tabata biniendo den un preparacion enorme. Minister di Labor a bay ILO (Organizacion Internacional di Labor), aña pasa, y a bay cu un producto caba y kier a bin cu un “Occupational  Safety Health” conforme e convenio di ILO # 655-687.

El a duna di conoce cu e minister den su discurso a declara cu el a duna 5 minuut na ILO, y ora el a bin bek ya tabata tin e parti di e dialogo, y e mandatario mes a pidi pa haya conseho. Esaki tabata entre gobierno, un grupo di sindicato, y un grupo di dunadornan di trabao, cu a uni di eynan a saca loke ta conoci como e Dialogo Tripartite Social-Laboral cu tin su statuto, organogram, y Reglamentonan di Ordo con cada congreso ta tuma lugar cada bez, ken ta su delegadonan, reemplazante, conseheronan; e presidente ta Minister di Labor.

Dje eynan nan a saca con cada tema y cada ley, sea di gobierno of sector priva of sindicatonan lo tuma lugar. Asina a tuma lugar e prome y di dos congreso.

Petronilia a agrega cu e preparacion ta rekeri di un trabao enorme, unda na prome lugar mester informa e gremio comercial, sindicatonan y gobierno. Eynan tin cu wak den fasenan con nan preparacion ta bay. Tin ta hacie anochi pasobra no por den dia, y di aki tin cu bay filtra unanimamente den e producto, kico ta nan preguntanan, kico ta e aspectonan cu nan no ta compronde. Tin e Comision Tecnico di cual sra. Petronilia ta forma parti di dje, cu ta bay duna presentacionnan, kico ta e partinan unda nan kier mira cambionan, etc., y e ora ey nan ta entrega nan puntonan.

 

- Advertisement -

DUNA COMENTARIO

Please enter your comment!
Please enter your name here