Home Religion y Espiritualidad Parokia “Inmaculada Concepcion” Santa Cruz cu mas informacion tocante nan Fiesta Patronal

Parokia “Inmaculada Concepcion” Santa Cruz cu mas informacion tocante nan Fiesta Patronal

21
0
SHARE
- Advertisement -

ORANJESTAD (AAN):  Dia 8 di December, Parokia di Santa Cruz lo celebra fiesta di nan Patrona “Inmaculada Concepcion” bao di Sacrificio di Misa nacional. Pueblo di Aruba ta invita pa tuma parti na e siguiente actividadnan:

NOBENA: diabierna, 29 di november pa diasabra, 7 di december pa 6:00pm cu ofrecemento di Santo Rosario y 7:00 di anochi Misa canta. Diadomingo, oracion ta for di 5:30pm cu Misa canta pa 6:30pm.

SACRIFICIO DI MISA: diasabra, 7 di december, 6:00 di mainta.

ADORACION cu EXPOSICION DI SANTISIMO: despues di Misa te cu 6:00 di atardi porta di misa ta keda habri pa tur cu ta desea di bin adora Hesus den Santisimo Sacramento di Altar. 6:00pm Nobena ta sigi.

CEREMONIA DI LUZ: 7:00pm Santo Sacrificio di Misa bilingüe (Papiamento y Spaño), na encargo di Pader Jose N. y dedica na celebracion di “Dia de las Velitas” un tradicion Colombiano na bispo di Fiesta di “Inmaculada Concepcion”. Trece un bela den glas pa despues di misa, ilumina e grot di Mama Maria cu tur bela cendi. Lo caba cu un obra teatral. Tur ta invita, specialmente amigonan di Colombia riba nos isla.

ADORACION CU EXPOSICION DI SANTISIMO – 9:00pm te 6:00am, diadomingo, di 8 di december.

Grupo pastoral, parokial, koor y scolnan a haya un schedule cu orario di adoracion. Ademas, ta invita tur otro parokiano y fielnan di otro parokia pa probecha e oranan di Adoracion cu Exposicion di Santisimo.

FIESTA DI “INMACULADA CONCEPCION”: diadomingo, 8 di December, misa ta sigi normal pa 6:30am y 9:00am. Bao di misa di 9:00am un grupo di fielnan lo keda consagra na Curason di Hesus y Maria. Despues di Misa ta sigi cu Adoracion na Santisimo te 5:45 di atardi.

PROCESION cu SANTISIMO y LA BIRGEN: 6:00pm. Salida for di parking lot pariba di misa y caba na entrada principal di misa. “Orquesta Filarmonico” lo compaña esnan den e procesion.

Gruponan por bin cu nan vaandel. Muchanan cu a haci nan Prome Santa Comunion por bin bisti cu nan bisti of bachi y hobennan cu a caba di confirma por bin bisti cu nan stola cora.

MISA NACIONAL. Despues di e procesion ta sigi cu Misa Solem celebra pa Mgr. Luis Secco y Pastornan di otro parokia cu canto di Coro Crystal. Lo no tin Misa den otro parokia. Ta haci un apelacion na comunidad pa trece un macuto cu comestible seco como ofrenda pa Asistencia Social por sigi yuda esnan den necesidad.

Pastor Jairo Maduro y Pader Jose Navas di awor caba ta gradici pa tur atencion cu lo duna na celebracion di e Fiesta di e “Mama Yen di Gracia”.

- Advertisement -

DUNA COMENTARIO

Please enter your comment!
Please enter your name here