Home Labor Ningun hende mester bay busca trabao via ningun compania di tramitacion

Ningun hende mester bay busca trabao via ningun compania di tramitacion

666
0
SHARE
- Advertisement -

Lionel Croes di DPL

*Por pasa directamente cerca DPL

ORANJESTAD (AAN): Lionel Croes di DPL a elabora cu nan a tuma nota di algo cu ta tumando lugar pa hopi tempo caba, caminda cu tin personanan cu ta duna servicio pa tramita permiso pa personanan cu ta bin di afo y kier haya nan status legal, na unda hopi biaha nan ta wordo defrauda y ta reclama riba rednan social, cu nan ta paga placa, mayoria di biaha sumanan grandi, na un persona cu ta tramita permisonan, y nan ta wordo priminti cu nan lo haya nan permiso.

Berdad cu ta keda na cada persona pa dicidi si nan kier haci uso di un tramitador di permiso, como tambe na dunador di trabao cu ta pensa cu un tramitador ta haci esaki mas facil, DPL no ta obliga ningun hende, pero e tipo di servicio aki ta gratis na DPL. No e parti di permiso sino di busca trabao.

Croes a indica cu tin un di dos parti importante, na unda un persona ta pasa cerca nan pa registra y nan no ta haya trabao. Esey ta un punto cu hopi biaha ta pa falta di informacion.

Mester corda cu DPL no tin e ultimo palabra pa e dunador di trabao. Nan ta yuda e dunador di trabao busca e candidatonan y ora cu sali un vacatura pa un trabao, nan no ta manda solamente un candidato.

Ta importante pa esnan cu ta buscando un trabao ta registra na DPL y nan lo haci nan esfuerzo maximo, manera cu un vacatura sali, nan tin contacto cu e dunador di trabao y asina por logra conecta y conseha e buscador di trabao pa prepara su mes pa ora e wordo entrevista, e por ‘bende’ su mes y convence e dunador di trabao cu e ta persona ideal pa e trabao.

Croes a bisa cu nan mester ta acercando varios compania y asina crea relacionnan nobo, algo hopi dinamico, na unda nan kier mustra hopi proactivo como departamento gubernamental.

Nan ta acerca dunador pa wak kico ta nan y si nan por ‘match’ cu un hende den nan sistema. Y den caso cu no tin persona, nan ta usa social media pa asina haya mas hende pa registra.

Croes ta urgi tur hende pa bin registra na DPL y asina cu bo haya e trabao y pa cualkier eventualidad bo no ta trahando e trabao ey mas, pa notifica DPL, pasobra asina cu nan pone cu bo a haya un trabao via DPL, bo ta wordo poni den sistema como ‘non-actief’   pasobra bo a haya trabao. Ta importante pa notifica nan riba cualkier cambio di status laboral.

DPL ta hayando pa dia entre 30 pa 35 aplicacion nobo via nan social media, pero nan no ta wordo necesariamente registra den nan sistema. Actualmente tin alrededor di 80 puesto di trabao disponible.

Croes a indica cu tin biaha hende ta pasa cerca nan pa cierto trabao, pero por ta e trabaonan cu ta disponible no ta algo cu por ta nan a studia pe, pero e ta kere cu mihor nan tuma un trabao ‘mientrastanto’, algo cu bo mantene bo mes y cumpli cu bo debernan financiero, cu keda sin trabao y hinca bo mester den problema financiero.

- Advertisement -

DUNA COMENTARIO

Please enter your comment!
Please enter your name here