Home Labor Na Januari por haci tur peticion pa busca of duna trabao online

Na Januari por haci tur peticion pa busca of duna trabao online

448
0
SHARE
- Advertisement -

Lionel Croes di DPL

ORANJESTAD (AAN): Segun Lionel Croes, marketing manager di DPL, e departamento ta hungando un rol sumamente importante den proyectonan hotelero.

Croes a indica cu nan a promociona riba rednan social di DPL, caminda nan tabata buscando trahadornan pa tur tipo di trabao, specialmente managers, den tur departamento, y actualmente tin tres persona den funcionnan halto cu a cuminsa cu nan trabao algun luna pasa, y ta cla pa bay nan e siguiente fase, caminda cu DPL lo bay ‘recruit’ trahadornan pa e hotel.

Segun Croes, durante reunion cu a tuma lugar cu sector hotelero, DPL tambe a wordo involucra y asina aki nan a logra tin un mihor conocemento di e necesidadnan di e dunador di trabao. Actualmente nan ta haciendo esaki di un manera diferente, na unda nan ta enfoca riba e necesidadnan  di e dunador di trabao y asina nan tin tempo suficiente pa haci e mercadeo pa busca e trahador adecuado.

DPL tambe ta conta cu servicio di un ‘help desk’ riba Facebook, cu ta un help desk virtual cu ta brinda servicio na esnan cu kier haci pregunta y tambe por traha un cita.

Despues di analiza nan website pa wak kico tabata nan puntonan fuerte y puntonan cu tin espacio pa mehora, nan lo bolbe lanza e website aki pronto, caminda lo tin un area di registracion, kiermen e buscado di trabao no mester bin te na DPL. Mester probecha avancenan den tecnologia y haci uso di esaki. Nan lo por registra online y haci tur nan peticion online mes. Pa Januari tur cos mester keda cla,  asina por brinda un mihor calidad di servicio tanto na buscado di trabao, como e dunador di trabao.

DPL ta hopi contento di por conta cu sosten di gobierno y nan ta premira 2020 como un aña  hopi positivo y nan lo sigui traha duro pa brinda e mihor servicio posible na comunidad.

- Advertisement -

DUNA COMENTARIO

Please enter your comment!
Please enter your name here