Home General Na Aruba tambe tin ‘black market’ di cuentanan di Netflix

Na Aruba tambe tin ‘black market’ di cuentanan di Netflix

1297
0
SHARE
- Advertisement -

ORANJESTAD (AAN):  Un otro tendencia cu tin den e ultimo simannan aki na Aruba ta e benta di cierto servicionan pa medio di Facebook.

Manera ta conoci, hopi cos ta wordo bendi riba internet y Facebook a bira un di e plataformanan cu mas ta wordo uza debi na e facilidad pa crea un grupo grandi di usuarionan y posibel clientenan.

Recientemente, Directora di Departamento di Impuesto a duna di conoce cu nan tin un team cu ta dedica na identifica e negoshinan cu tin ariba social media y cu no ta registra na Camara di Comercio y cu como consecuencia no ta pagando impuesto.

Un di e tantisimo negoshinan awor ta e benta di cuentanan di Netflix. Tin hendenan cu ta bendiendo cuentanan di Netflix specialmente pa esnan cu no tin credit card.

Pero un detaye curioso tambe ta cu esnan cu ta bisa di bende e servicio aki ta anuncia cu nan ta ‘comparti’ nan cuenta di Netflix cu otro usuarionan.

Tin entendi cu pa e compania di Netflix, esey lo por bira un practica no acepta. Aunke ainda, parce nan ta trahando riba un solucion ‘amistoso’ pa no perhudica e usuarionan.

Lo ta na su lugar pa Departamento di Impuesto y e instancianan concerni cuminza investiga esnan cu ta ofreciendo e servicio aki.

Kiermen, na Aruba por wordo considera e practica algo como algo di e ‘black market’ y esnan cu ta cumprando e servicio aki pa medio di cuentanan comparti por cay den un estafa.

Tene cuidao pa bo no bira un victima.

- Advertisement -

DUNA COMENTARIO

Please enter your comment!
Please enter your name here