Home Religion y Espiritualidad Misa Catolico ta celebra awe Dia di San Juan Evangelista

Misa Catolico ta celebra awe Dia di San Juan Evangelista

19
0
SHARE
- Advertisement -

Pabien na tur Juan riba nan dia:

ORANJESTAD (AAN) – San Juan Evangelista tabata esun di mas jong di e 12 Apostelnan, y den Bijbel e ta wordo distingui como e “discipulo mas stima di Jesus”.

San Juan Evangelista ta e apostel cu a acoge Mama Maria na su cas y ta e patron di e Teologo y escritornan. Awe dia 27 di December, su fiesta ta wordo celebra.

San Juan Evangelista tabata Hudio naci na Galilea, yiu di Zebedeo y ruman di Santiago esun Mayor, cu ken e tabata piscado.

El a wordo elegi pa acompaña Pedro pa prepara e ultimo cena cu Jesus, na unda el a inclina su cabes riba e pecho di Jesus. E tabata na pia di e Cruz hunto cu Mama Maria, na ken el a hiba su cas como mama pa honre, sirbie y cuida di su persona.

Tambe ora e noticia di e sepulcro di Jesus bashi, ta Juan Evangelista ken a core cerca Pedro pa bise. E ora ey ambos a mira y kere.

San Juan Evangelista a skirbi e Santo Evangelio cu tanto ta wordo lesa den Misa den Siman Santo, tocante Jesus su Pasion, Morto y Resureccion.

Pabien tambe na tur e hendenan homber cu ta carga e nomber di Juan, pasobra awe nan ta celebra nan Dia.

 

- Advertisement -

DUNA COMENTARIO

Please enter your comment!
Please enter your name here