Home Turismo “Loke nos ta pidi pe ta participacion real”

“Loke nos ta pidi pe ta participacion real”

47
0
SHARE
- Advertisement -

Tisa LaSorte:

ORANJESTAD(AAN): CEO di AHATA Tisa LaSorte Diabierna atardi tambe a expresa su preocupacion riba e maneho di Gobierno, relaciona cu cierto decisionnan cu ta wordo tuma.

“Loke nos tin hopi tempo ta boga pe ta pa tin participacion den e proceso aki pa soluciona e problemanan financiero cu tin na nos isla”.

“Loke nos ta pidi pe ta participacion real y no djis tene un reunion pa asina demostra como si fuera tin participacion”.

“Un reunion no ta suficiente pa tin participacion real, pues e mester ta un dialogo real unda cu hunto nos ta bin na e solucionnan cu mester pa nos isla, pa nos por sigura cu e decisionnan cu ta keda tuma ta duradero y no ta perhudica ni consumidor ni comercio na un manera cu bo ta stagna nos e economia”.

“Esaki pa e turista tampoco haya cu Aruba ta mucho caro”.

“Si nos por traha riba solucionnan hunto, nos tin un mihor oportunidad  pa haya solucionnan duradero y positivo pa nos isla”, segun LaSorte, kende a indica cu miedo ta cu ta bin cu inversionnan a termino corto, pero cu esey no ta e solucion duradero pa nos isla.

“E falta di informacion ta pone cu hende ta bira mucho nervioso pa inverti”, segun e CEO di AHATA.

- Advertisement -

DUNA COMENTARIO

Please enter your comment!
Please enter your name here