Home General Gobierno Hulandes cu plan di accion nacional nobo pa derechonan humano

Gobierno Hulandes cu plan di accion nacional nobo pa derechonan humano

93
0
SHARE
- Advertisement -

ORANJESTAD (AAN); Si ta trata di peticion pa ricibi yudanza di cuido, yudanza pa huur, yudanza cu debe, financiamento di estudio, of yudanza pa haya empleo despues cu bo a perde trabao, semper e disponibilidad di Gobierno mester tey pa yuda e ciudadano.

Esey ta poni awor den e Nationaal Actieplan Mensenrechten 2020 cu Ministro Knops di Asuntonan Interior y Relacionnan di Reino a presenta riba Diahuebs.

Cu e plan di accion aki, Gobierno Hulandes kier mehora e yudanza cu nan por duna ciudadanonan, y asina duna un impulso dirigi na e realizacion di derechonan humano na Hulanda.

E plan di accion aki ta un continuacion riba e prome Nationale Actieplan Mensenrechten di 2013.  Desde e conferencia mundial riba Derechonan Humano na 1993 di Nacionnan Uni, varios pais a bin cu un plan di accion nacional.  Hulanda tabata e di cuatro pais na Europa cu awor ta saliendo cu di segundo Actieplan di Derechonan Humano.

MAS DI 50 ACCION:

Gobierno a anuncia cu e Plan di Accion nobo aki ta contene cincuenta accion.  Ehemplonan ta e.o. e creacion di un plataforma pa alcaldenan y derechonan humano, y e comienzo di un evaluacion di e enseñanza adecuacu educacion inclusivo como punto principal.  Ademas, ta haciendo esfuerzonan pa mehora varios punto di informacion relaciona cu gobierno digital, e atencion na largo plazo, y e asistencia huridico.

   NORMANAN DI DERECHO HUMANO:

Como Ministro coordinador di derechonan Humano na Hulanda, Ministro Knops ta kere cu ta importante pa Gobierno sigui promove activamente e derechonan humano.

“No tur hende sa cu Gobierno ta usa standardnan di derechonan humano ora di diseña su provisionnan.  Ademas, Gobierno mester organiza e instalacionnan di tal forma, cu den practica, hendenan realmente ta haya acceso na yudanzanan cu ta disponible pa nan, y esey tin di pasa sin discriminacion y cu accesibilidad economico y fisicamente accesible pa tur hende.”

- Advertisement -

DUNA COMENTARIO

Please enter your comment!
Please enter your name here