Home Social Fundacion Movemento ta Bida a finaliza 2019 cu otro evento exitoso

Fundacion Movemento ta Bida a finaliza 2019 cu otro evento exitoso

85
0
SHARE
- Advertisement -

ORANJESTAD (AAN):  Dialuna ultimo Fundacion Movemento ta Bida a sera su programa “Hunto nos ta vence Envehecimento” pa loke ta aña 2019 den Renaissance Ballroom full dorna den ambiente di Pasco.

E programa aki ta worde subsidia door  di Samenwerkende Fondsen di Hulanda den 3 districto na Aruba. Na Aruba CEDE Aruba ta controla e parti financiero di cada un grupo. E programa ta specialmente pa hendenan di 60 aña bai ariba y ta completamente gratis.

Dos dia den siman instructornan di FMTB ta duna les na tur esnan cu kier partisipa cu un variacion grandi di movemento, canto, yoga, obranan di man, pintamento etc.

Actualmente Dakota, Santa Cruz y Tanki Leendert ta participa den e programa aki cu a resulta den un exito rotundo. Fuero di e gruponan aki tambe tin un grupo na CB Noord y ultimo Bubali Sport Club tambe a bin aserca.

Pa loke ta aña 2020 FMTB ta sigur cu mas districto lo cuminsa cu gruponan 60+ y tei pa yuda tur hende cu kier haci algo positivo pa nos grandinan.

Januari 2020 tur cos lo continua atrobe na e mesun lugarnan di semper. Algo cu ta masha straño ta cu mayoria di e participantenan ta hende muher y FMTB ta haci un suplica na tur hende homber pa bin join y pasa dianan hopi agradabel y social.

Durante e celebracion dialuna ultimo cada grupo a presenta un show chiquito den ambiente di Pasco. Un danki ta bai na Tipico Palisia y Francis Jacobs cu a entretene e participantenan.

FMTB ta gradici un y tur cu a yuda durante e aña 2019 y ta spera cu den 2020 por conta cu e apoyo di tur hende atrobe deseando un y tur felis dianan di Fiesta.

- Advertisement -

DUNA COMENTARIO

Please enter your comment!
Please enter your name here