Home Cultura E aña aki tin 3 festival di Dande, incluyendo uno na Centro...

E aña aki tin 3 festival di Dande, incluyendo uno na Centro di Bario Brazil

89
0
SHARE
- Advertisement -

ORANJESTAD(AAN): Durante un conferencia di prensa, director di UNOCA Ray-anne Hernandez a papia di algun proyecto di UNOCA.

Un di e proyectonan aki ta Cadushi Festival cu ta tuma lugar dia 20 di December di 6’or di atardi te cu 11’or di anochi na Bushiri Beach.

“Nos ta forma parti tambe di Hey ta Pasco cu ta e concierto di Pasco di Elgin Semeleer cu ta bay tuma lugar dia 19 di December”.

Esaki segun Hernandez, kende a enfoca riba e festivalnan di Dande cu ta bay tuma lugar rond di fin di e luna aki.

Segun e director e Dande ta un parti hopi importante di nos cultura.

“E biaha aki nos ta co-financia 2 di e 3 festivalnan di Dande”, segun Hernandez, kende a indica cu ta bay tin 3 festival di Dande.

Uno ta bay ta na Centro di Bario Brazil, uno na Club Caiquetio y uno na Centro di Bario Tanki Leendert.

Durante e conferencia di prensa Stanley Dabian di Departamento di Cultura a bisa cu e aña aki Fundacion Chico Harms ta bay haci un festival di Dande na Centro di Bario Brazil dia 27 di December.

E festival di Harry Croes ta bay tuma lugar riba 28 di December na Club Caiquetio y e festival di Comision Promove Cultura ta bay ta na Centro di Bario Tanki Leendert riba 29 di December.

“Nos ta hopi agradecido na e musiconan cu ta duna nan aporta na e festivalnan aki, pero tambe na tur e cantantenan cu ta haci e festivalnan grandi, unda cu ya casi nos ta yegando 50 aña di un festival asina grandi cu ta nos tradicion”.

“Departamento di Cultura ta hopi contento di esaki y nos kier invita henter pueblo di Aruba pa ban apoya nos cantantenan di Dande y nos gruponan folklorico”, segun Dabian.

- Advertisement -

DUNA COMENTARIO

Please enter your comment!
Please enter your name here