Home Beyeza Danna Garcia ta representando Aruba na forma formidable na Miss Universe

Danna Garcia ta representando Aruba na forma formidable na Miss Universe

263
0
SHARE
- Advertisement -

ORANJESTAD (AAN): E representante di Aruba, esta Danna Garcia ta haciendo un trabao formidable e dianan aki na Atlanta, Georgia na Merca.  E tey eynan den preparacion pa e certamen di Miss Universe cu lo tuma lugar Diadomingo awor 8 di December 2019 pa 8’or di anochi.

E certamen mes lo ta den Tyler Perry Studios na Atlanta, y e enfoque di mundo lo ta riba pantaya di TV pa mira na kende e actual Miss Universe, Catriona Gray di Filipinas lo entrega su corona.

Danna Garcia a bay bon prepara, y sigur Aruba ya caba por ta orguyoso di dje.  Den un entrevista cu DIARIO, Danna a indica cu tur training y presentacion, y tambe actividadnan social prepara pa e candidatanan ta bayendo bon.

Nos representante di 21 aña di edad, a splica cu e tin e representante di Miss Costa Rica, esta Paola Chacón Fuentes como su compañera di camber y nan a bira bon amiga y ta gozando di e eventonan.

Tambe Danna ta agradecido na e apoyo cu e ta ricibiendo di pueblo di Aruba.  “Mi ta trahando super duro pa laga Aruba su nomber briya na Atlanta,” el a declara den un entrevista exclusivo cu DIARIO.

E deseo di Danna ta pa tur hende na Aruba cu tin internet y acceso na social-media, pa por fabor vota pe.  “Cu e voto aki, boso por yudami clasifica,” el a subraya na DIARIO.

E ta pidi tur hende pa bay na e website di missuniverse.com y primi riba e link di “VOTE NOW!” pa asina bo escoge e potret di candidata #5 Danna Garcia di Aruba y vota pe.

Riba e potretnan aki por mira algun di e presentacionnan cu ya caba Danna a haci na Atlanta.

Diabierna anochi lo bay tin e “Preliminary and National Costume” y esaki lo bay ta 9:00 pm (ora di Aruba).  Nan lo stream esaki den forma di Pay-per-View via e website: watch.missuniverse.com  y bo por mira e certamen solamente riba 1 solo device.  Bo mester cumpra e Pay-per-View usando un credit card.

Mientras tanto, “Arubiano”, nos marca nacional tambe ta apoyando Danna Garcia na Atlanta, y mas cu claro e ta luci cu su Carnaval Arubiano reusable bag.

Semper Arubiano su prioridad ta pa crea mas  concientizacion riba “No more plastic” y promove  preservacion y cuido di nos birdlife- nos wildlife y Aruba su naturalesa y wetlands.

Miss Aruba sigur lo haci un bunita impacto mas, considerando cu esaki ta un topico di hopi atencion mundialmente.

Di parti di DIARIO  y henter Aruba ta desea Danna Garcia tur clase di exito den e anochi Preliminar y National Costume di Diabierna anochi.

- Advertisement -

DUNA COMENTARIO

Please enter your comment!
Please enter your name here