Home Beyeza Danna Garcia, Miss Aruba 2019 ta cla pa Miss Universe

Danna Garcia, Miss Aruba 2019 ta cla pa Miss Universe

99
0
SHARE
- Advertisement -

ORANJESTAD (AAN): Diabierna atardi a biaha pa Atlanta Georgia, Miss Aruba 2019, Danna Garcia, kende sigur lo bay representa ARUBA dignamente na e certamen di Miss Universe 2019.

E certamen di Miss Universe 2019 lo tuma lugar otro siman diadomingo December 8, 2019. E preliminar di e magno evento aki y na mes momento e presentacion di trahe di fantasia (National Costume) lo tuma lugar dia 6 di December proximo.

Despues di luna di preparacion na nivel tanto local como internacional Danna Garcia ta cla pa enfrenta e reto pa trece e corona pa Aruba.

Pa loke ta trata su trahe final Danna a hiba tres trahe final cu ta piesenan sumamente precioso y un espectaculo ariba nan mes. Hunto cu organisacion Miss Universo Danna lo scoge esun mas adecuado pa e nochi final.

Como su trahe nacional Danna lo hiba otro obra di man titula “Princesa del Sol”.

Danna a ricibi pa parti entre candidatanan y esnan presente dos articulo. Un crema organico traha na Aruba cu e fragancia cu e mes a scoge y cu ta forma parti di su coleccion unico titula D’imi y tambe tasnan cu ta un arte riba nan mes di nos local brand “Arubiano”.

Danna sigur kier yama Danki na tur cu a yude realisa un di su soñonan bira realidad.
Danna ta invita pueblo di Aruba pa like y share su facebook page di Miss Aruba of subi instagram di Danna Garcia na @dannagarciiiia

- Advertisement -

DUNA COMENTARIO

Please enter your comment!
Please enter your name here