Home Turismo Curacao Marriott Resort a haci su re-apertura na Corsow cu hopi movecion...

Curacao Marriott Resort a haci su re-apertura na Corsow cu hopi movecion di e mercado arubiano

81
0
SHARE
- Advertisement -

Cu arubiano Sergino Croes, como ehecutivo di benta

ORANJESTAD (AAN):  DIARIO a wordo invita pa experiencia y aprecia na Corsow con bunita Curacao Marriott Resort a keda despues di e renobacion recien cu a tuma lugar, cual a nifica un inversion di 40 miyon dollar.

Sergino Croes, ta un arubiano cu tin e posicion di Senior Sales Manager di e hotel di 336 camber,  dos ballroom cu capacidad pa 1400 persona.

Curacao Marriott Resort a inicia su operacion recientemente y for di e dia cu nan a cuminza ya caba tabata tin 80% di ocupacion y pa fin di aña ta spera di alcanza e 100%, entrante 15 di December. E weekendnan ta moviendo basta bon, e ehecutivo di benta a laga sa.

Croes a indica cu nan a constata cu e marca Marriott, e loyalty program ‘Bonvoy’ ta atrae hopi turista.  Ta wak den e diferente mercadonan cu Marriott ta un brand hopi gusta entre e viaheronan mericano, pero tambe ta wak un combinacion di Europa, Suramerica, Aruba, Trinidad & Tobago y Suriname.

E hendenan di e region conoce bon kico Marriott ta ofrece. Tur e desaroyo cu Corsow tin aworaki, den ‘airlift’ como den ‘properties’ por wak cu e movecion tey, Sergino Croes a señala.

Por ehempel, ya caba por wak cu pa otro aña tin hopi request pa e fechanan di Tumba Contest, Carnaval 50, pero tambe pa North Sea Jazz Fest. Ta espera cu pa e temporada ey e hotel ta bay ta ‘sold out’, a agrega. 

CONCEPTO

Curacao Marriott Resort tin un concepto europeo cu un mezcla mericano. Ta conta cu tur sorto di servicio mientras cu e cambernan luhoso ta bon ekipa. E decoracion hopi moderno, den colornan caribeño, unda ta haci uzo strategico di cada espacio. E 8 suites tur tin nan balcon priva cu un bista fabuloso na lama blauw.

E resort ta conta cu un teraza amplio, varios pool, fitness center. Den C-Spice Restaurant, cual ta masha cozy, por disfruta di un experiencia culinario ofreci pa e team di chefnan. Por disfruta di un ‘full American breakfast buffet’ disponibel diariamente cu un variedad di stations den un ‘open-air concept’, agregando na esaki un servicio excepcional.

E propiedad ta ariba un tereno di 2.4 hectarea dilanti di lama, na 15 minuut di airport y solamente 5 minuut di Willemstad.

Sergino Croes ta encarga cu e proyecto hotelero desde Maart 2019 y e ta contento di por a tuma e reto aki na Corsow.

DIARIO ta gradici Oficina di Turismo di Corsow, Curacao Marriott Resort y Aruba Airlines pa a haci e experiencia aki posibel.

 

- Advertisement -

DUNA COMENTARIO

Please enter your comment!
Please enter your name here