Home Enseñanza Cu yoga y meditacion ta tratando na mehora resultado di examennan na...

Cu yoga y meditacion ta tratando na mehora resultado di examennan na Aruba

136
0
SHARE
- Advertisement -

Bon decision di Maria College MAVO

ORANJESTAD (AAN): Shanti Augusta ta docente di meditacion y yoga, y hunto cu su colega Leontine Merkies a desaroya e programa di ARA cu nifica “Attention Relaxation and Awareness” cu ta tecnicanan pa duna studiantenan durante les pa asina siña nan con ta calma nan mes, concentra mihor, baha stress.

E teoria y tecnicanan aki ta wordo duna den un training na e docentenan.  Maria College MAVO a dicidi na laga e docentenan di examenklas, tuma un curso di seis siman.

Meta di esey ta pa siña e alumnonan con pa reduci nan stress, regula nan emocion y tension, pa asina por sinti mihor.  Pero alavez nan ta siña con pa presta mihor atencion tanto prome y durante examen, pa asina nan tin nan tecnicanan pa calma nan mes.

Finalmente seis docente a finaliza e curso exitosamente y awor nan sa con pa aplike riba nan mes y riba e alumnonan.  Tambe tin alumnonan di MAVO-4 cu pa dos siman a haya guia di Shanti Augusta con pa aplica algun di e tecnica aki.

DIARIO tabata presente na Maria College MAVO na momento cu a haci entrega di e certificado na e docentenan.  Tur e alumnonan tabata presente riba e plaza pa asina presencia esaki.

A compronde cu tin algun scol mas cu ta mustrando interes di duna nan docentenan algun curso di esaki, cu lo por haya e workshop aki pa otro aña escolar.

Ademas di docente, e duo aki ta duna workshop di ARA pa studiantenan mes durante oranan di scol.  Na Januari lo start cu studiantenan di Ciclo Basico na un otro Colegio San Antonio MAVO.

Angeline y Leontine a mustra cu e idea ta pa tur docente di Maria College MAVO haya e curso aki, y esnan interesa por cuminza aplica caba.  Pues e di 2ndo ronda pa Maria College MAVO ta na caminda.  Sigur algo hopi positivo pa desaroyo di mihor resultado di examen na Aruba.

E prome docentenan di Maria College MAVO cu a haya certificado di e programa di ARA ta Raiza Rodriguez, Rachel Croes, Edmond de Cuba, Maritza Koolman, Joraine Oduber, y Carmichael Richardson.

Angeline Rosenstand, kende ta directora di Maria College MAVO, tambe ta hopi entusiasma cu tur esaki.

- Advertisement -

DUNA COMENTARIO

Please enter your comment!
Please enter your name here