Home Salud Cu e digiZorgpas awor no mester bay AZV mas pa renoba bo...

Cu e digiZorgpas awor no mester bay AZV mas pa renoba bo carchi di seguro medico

2932
1
SHARE
- Advertisement -

App ta permiti AZV comunica cu e clientenan online

*Carchi bieu ainda por wordo uza cerca dunadornan di cuido

ORANJESTAD (AAN):  Un di e desaroyonan nobo den loke ta e seguro medico general na Aruba, AZV, ta cu recien nan a lanza un App cu ta haci e bida di e usuario mas facil.

E App aki ta e asina yama digiZorgpas y cu por haya ariba App Store di tur iPhone of Play Store di tur Android si bo busca ‘AZV Aruba’.

Vocero di AZV, Joost van de Kamp a indica den un entrevista cu DIARIO cu tur hende ariba 18 aña por download e App y ‘sign up’ cu e datonan di nan zorgpas.

Ora di download e App no lo tin mester di bay AZV mas. Ora di inclui e datonan di otro persona pa por ehempel busca remedi, e ora si lo mester duna AZV un autorizacion pa abo por yuda e otro persona den e servicio ey.

Manera esaki, tin algun condicion y ora di registra por lesa kico tur ta locual bo mester sa ora bo maneha e cuenta di usuario di un otro persona mayor di edad.

Si ta pa e mesun yiunan menor di edad, cu ta biba na e mesun adres, por hinca nan den e App. No solamente e mama pero e tata tambe por hinca e datonan di e yiu den e App di e digiZorpas, den su telefon celular, a indica.

Aworaki tin un carchi y ta e mama of e tata tin’e. Pero cu e digiZorgpas, ta posibel pa tanto e mama como e tata tin e cuenta di e yiu inclui den nan App y cu tur e datonan actualiza.

Personanan cu ta na Aruba cu permiso no tin mester di bay AZV tur aña maske DIMAS ta laat. E digiZorgpas lo wordo actualiza automaticamente.

AZV ta conta awor cu un plataforma pa medio di cual por comunica cu e clientenan. Si AZV ta wak cu por ehempel, e temporada pa renoba permiso ta yegando, nan por manda un notificacion pa e cliente haci e tramite na tempo pa evita problema.

Esey ta algun di e bentahanan cu e App ta ofrece, a remarca.

E personanan cu no ta uza un telefon celular of cu no sa con pa traha cun’e, nan por keda cu nan carchi bieu te ora cu e ta vence y si e ta expira nan por identifica nan mes na doctor cu nan rijbewijs, ID of pasport y e doctor mes lo busca si e pashent ta sigura, Joost van de Kamp a señala.

A pensa ariba tur cos y AZV ta habri pa ideanan nobo pa mehora e App y ampl’ie pasobra a bin cu regulacionnan nobo.

Esnan cu ainda no a download e App nobo aki por hacie buscando riba Play Store of riba Apple Store: AZV Aruba. Corda cu tin un otro App di AZV cu ta e ‘AZV Healthcare Provider Rating’. Esun nobo aki ta relata na e zorgpas digital cu e cliente ta uza cerca e dunadornan di cuido.

- Advertisement -

1 COMMENT

  1. Lo ta bon pa, prome ku pone algo nobo den circulacion zorg pa tur kaminda ta accepta e digi zorgpas… hopi botica no ta kla pe ainda dus no ta accepte, ta exihi e carchi ainda…

DUNA COMENTARIO

Please enter your comment!
Please enter your name here