Home General Con e proceso legal pa nombra un Gobernador ta?

Con e proceso legal pa nombra un Gobernador ta?

164
0
SHARE
- Advertisement -

Inventario 2010 pa 2020  cu un pregunta sin contesta

*Kico Mike a logra pa Aruba ora el a enfrenta Plasterk?

*Kico a cambia ora Hulanda a papia cu Mike di beyesa?

Decada 2010 pa 2020 a laga un pregunta importante sin contesta. Ta trata di algo sumamente importante den nos sistema di gobernacion ya cu e ta atende cu e decision kende lo representa Rey na Aruba y asina fungi como cabes di gobierno di e pais.

Na 2016 Aruba a conoce un incidente hopi importante, pero cu aparentemente a perde den memoria di sucesonan. Analisando e relacion Aruba y Hulanda, nos a wordo conduci na e momento cu Mike Eman como Prome Ministro di Aruba a dicidi cu e ta subi avion y bay atende e situacion cu a surgi cu gobierno Hulandes.

E problema tabata basa riba e hecho cu gobierno Hulandes a dicidi di nombra un Gobernador na Aruba a base di su escogencia despues cu e no por a bay di acuerdo cu un cantidad di candidato di gobierno Mike Eman.

Den e tempo e relacion entre Hulanda y Aruba no tabata realmente “steunend op eigen kracht doch met de wil elkander bij te staan” pues a base di bo mes forsa cu e boluntad di asisti otro manera Statuut ta exigi.

Tabata den e tempo cu ya e actitud Hulandes a forsa Mike Eman como Prome Ministro drenta den un welga di hamber pasobra Hulanda tabata exigi pa e drecha e maneho financiero di e pais.

Mike Eman no a acepta y a drenta e welga di hamber cu henter Reino por sigui. Sin mas comentario, nos kier sigui elabora riba e situacion cu Aruba a cuminsa enfrenta.

Mike y su gobierno a firma e acuerdo di Citgo cu mester a trece un crecemento economico cu lo a haci Aruba un paraiso di sheik. Un crecemento economico lo mester a haci tur Arubiano hopi rico.

Den mes tempo cu Hulanda a desaproba su maneho financiero y cu el a firma e contracto di Citgo cu Nicolas Maduro contra advertencia di politiconan Hulandes, Mike a haya su mes cu e nombramento di Gobernador nobo pa Aruba.

Hulanda no a bay di acuerdo cu ningun di e candidatonan cu Mike a presenta. Prensa den Reino a conclui cu e forma cu Mike a goberna a haci cu Hulanda a evita pa e pone un persona cu relacion hopi estrecho cu su persona.

Ora situacion a tranca completamente, gobierno Hulandes a nombra e Gobernador nobo di Aruba sin tene consideracion cu opinion di Mike.

El a rabia y subi avion pa atende e asunto na Hulanda cu gobierno Hulandes cu a ricibi su persona.

Despues di e encuentro e ministro Hulandes, Plasterk cu Reino a reconoce como un personalidad cu un toke special, a bisa cu e proceso cu el a sigui no tabata un beyesa pero el a keda na su decision. Tur hende a acepta cu Plasterk a papia di bunitesa ora el a atende cu Mike.

Nada a cambia pasobra no tabata tin base legal pa e ponencia di Mike cu ta gobierno di Aruba ta propone e candidato cu pa medio di un Decision di Rey ta wordo nombra como representante di Rey.

Mike a priminti cu e lo mehora e relacion cu Reino y a bolbe Aruba despues di a acepta e decision cu Rey a firma como hecho.

Aruba a aplaudi e forma cu Mike a enfrenta Reino pero tambe e entrada di un Gobernador nobo cu awe ta duna un tremendo contenido na su tarea.

E pregunta cu mester di contesta ta, kico Mike a logra den e encuentro cu Plasterk.

 

- Advertisement -

DUNA COMENTARIO

Please enter your comment!
Please enter your name here