Home General Compania na Chile a ofrece viahe pa Aruba como special di “Black...

Compania na Chile a ofrece viahe pa Aruba como special di “Black Friday”

233
0
SHARE
- Advertisement -

ORANJESTAD (AAN): Diabierna cu a pasa tabatin e dia conoci como “Black Friday”.  Un chens unico pa comerciantenan hisa nan benta prome cu temporada di Pasco, y di e forma ey nan por sali for di nan cuentanan financiero “cora” y bay den “preto”, cu ta algo bon.

DIARIO a haya sa, cu na pais di Chile, algun compania a dicidi na ofrece vakantie na prijsnan hopi atractivo.  Uno di nan ta un viahe pa Aruba, y ta poni como “Black Friday Special”.

E agencia di viahe “Cocha”, ta uno hopi conoci y ta favorito cerca Chileñonan pa prepara nan vakantie.  Nan tambe tabatin oferta di Black Friday cu descuentonan di hasta 60% riba vuelo, hotel, y tambe package.

Nan tabatin pasashi di Chile pa Buenos Aires na como US$ 142.  Tambe viahe di Chile te Miami na US$ 509.

Encuanto package, nan tin dos hopi interesante.  Uno ta un viahe pa Cancun (Mexico) na prijs di US$ 1.100 pa siete anochi, for di 19 pa 26 di Mei 2020 cu tur cos inclui.

E otro package-deal cu nan tin pa Black Friday, ta un vuelo pa Aruba, cu ta un pakete di siete anochi for di 26 di Maart te cu 2 di April 2020 pa e prijs di US$ 1.064.

- Advertisement -

DUNA COMENTARIO

Please enter your comment!
Please enter your name here