Home Actividad Especial Awenochi tin homenahe postumo pa Padu ariba Plaza Padu

Awenochi tin homenahe postumo pa Padu ariba Plaza Padu

260
0
SHARE
- Advertisement -

Hopi artista lo interpreta su temanan inmortal

ORANJESTAD (AAN):  Diahuebs mainta, Minister Xiomara Ruiz-Maduro a convoca un conferencia di prensa cu presencia di representantenan di Fundacion Padu  pa asina trece dilanti detayenan di e despedida di Juan Chabaya Lampe, mihor conoci como Padu del Caribe, Tata di Cultura. 

Minister Ruiz-Maduro a duna di conoce cu hopi tabata anticipa pa locual lo a bira cu 100 aña di edad, otro aña. Con pa celebra esaki, pasobra aparte di tur cos cu ta despedi aworaki di Padu, Padu tabata un hende alegre y asina e tabata kier pa cord’e.

   “Padu ta un figura importante pa nos pais pasobra e tambe tabata tin su parti como co-autor di Himno di Aruba”, ademas di e canticanan cu pueblo ta gusta masha hopi mes, a expresa.

Pesey den nomber di Gobierno kier extende condolencia na e famia y na henter pais di Aruba cu e perdida aki di nos Tata di Cultura. Kier despedi di dje na e manera cu e sigur lo sinti’e honra, cu un homenahe cultural postumo, acompaña pa artistanan cu lo sa di interpreta su temanan inmortal na e Plaza cu ta hiba su nomber, Ruiz-Maduro a bisa.

E homenahe aki ta tuma lugar awe 5 di December y ta extende un invitacion na pueblo pa bin Plaza Padu un rato pa asina presta e ultimo honor na Padu del Caribe.

Awenochi e homenahe postumo cu ta tuma lugar na Plaza Padu ta cuminza 6 pm y lo caba 10:30 pm.

Mayan tin su entiero y gobierno ta extende un invitacion cordial na Kerki Protestant den Wilhelminastraat di 3 pm pa 5 pm. Padu lo ta reposa eynan pa asina por haya su despedida tambe den kerki.

   “Ta invita pueblo di Aruba henter pa asina nos demostra e respet na Padu den e forma caminda cu nos por brind’e door di pone nos bandera halfstok”, a mandatario a expresa.

 

- Advertisement -

DUNA COMENTARIO

Please enter your comment!
Please enter your name here