Home Labor Aruba ta 26 aña atrasa cu Arbowet

Aruba ta 26 aña atrasa cu Arbowet

45
0
SHARE
- Advertisement -

Experto den Arbowet sra. Flora Petronilia:

ORANJESTAD (AAN)— Sra. Flora Petronilia, Experto den e Ley di Arbo, den servicio di Direccion di Labor, den entrevista cu DIARIO a declara cu den un di e presentacionnan cu e tabata tin na un di e companianan di Utilities, el a keda impresiona ora nan a trece un ehemplo dilanti.

El a referi na un empleado cu no por a sigui eherce su trabao mas at all, pero e no kier a bay cas. E dunador di trabao a keda cu e trahador, a keda guie, y a dune trabao cu por ta conforme loke e trahador por a haci te dia cu e por a bay cu pension.

Sra. Petronilia a subraya cu esaki merece di un aplauso; ningun departamento di utilidad ta haci esaki, pero su dunador di trabao a crea algo pe.

Tin otro ehemplonan di trahadornan cu ta reconoce peligronan na pia di trabao, nan ta meld na nan hefe, pero esaki ta bisa nan cu ta coi kens nan ta haci. E dunador di trabao tin nada di papia e trahador tin nada di bisa.

Pero e trahador si ta wak e situacion y e tin cu pasa e hefe bay na e director. Na momento cu e trahadornan ta trece e puntonan aki dilanti, tin conclusionnan cu por saca afo: sea cu e chef no ta interesa pa traha den e compania, e mester haya bijschooling, of por ta cu e ta sinti cu e no por deal cu e trahador, of e director tin cu bay haci algo.

Esaki debi cu e compania, pa e parti di seguridad, mester ta “up to date”. Esaki ta spaar hopi problema pa e compania y pa e trahador cu menos e ta bira malo, y cu tin conflicto na pia di trabao.

Sra. Petronilia, a expresa cu awor tin un ley, un producto di cual Aruba ta 26 aña atras. Representantenan di Aruba ta bay yen di Congreso di ILO, y nunca a sinta pensa cu Pais Aruba no por sigui asina.

El a acentua cu si Aruba kier habri mercado pa companianan internacional establece na Aruba, mester por tin un ley di labor.

Un Arbowet conforme ILO, mester cumpli cune. El a subraya cu tin diferente departamento di gobierno cu tin data, pero nan tine pa nan so.

A yega momento pa nan comparti e informacion aki pa traha hunto, no pa distribui e pa loco, pero pa busca solucion, por ehemplo wak den cual lugar di trabao tin mas accidente laboral, pa pone mas enfasis.

Departamento di Labor no por sali haci inspeccion pa loco. Nan tin cu sali documenta, y unda e peligro ta mustra cu ta mas grandi e atencion di Labor mester tey tambe.E ley aki ta conta pa tur hende!

- Advertisement -

DUNA COMENTARIO

Please enter your comment!
Please enter your name here