Home Religion y Espiritualidad Aruba lo haya su Mama Maria di Alto Vista peregrino y lo...

Aruba lo haya su Mama Maria di Alto Vista peregrino y lo ser bendiciona otro siman Diamars na kapel di Alto Vista

33
0
SHARE
- Advertisement -

Atan Lee:

ORANJESTAD (AAN): Den un entrevista cu Atan Lee, el a splica cu durante nobena Nacional na honor di nos Patrona stima, Santisima Virgen Mama Maria di Alto Vista, e mes sinta dilanti Kapel den oracion, a haya un idea cu a sali for di nos Mama Celestial stima, cu E ta desea, pa e laga traha su imagen pa asina e por bay bishita esnan cu no por bin cerca dj’E na Kapel.

“Di biaha mi a cuminsa traha ariba e idea y mi a pidi un escultor di Colombia, Giovanni Betti Bastidas. E imagen ta di un metro di altura y ta traha di glas y fibra, e pintura ta di oleo, barnisa, mientras cu e corona ta di metal dorna cu piedra di color y barnisa pa proteccion.”

“Ta intencion pa famianan cu tin hende enfermo o cu ta desea di tene un nobena na cas por tin e Imagen pa 9 dia largo. Nan tin cu busqu’E pa 4’or di atardi na mi residencia y trec’E despues di 9 dia pa 4’or di atardi na mi residencia. E imagen mester ser transporta cu hopi respet, esta cu mester tin un persona sinta patras den auto pa compan’E.”

“Esnan cu ta tene e nobena lo ricibi 50 buki di nobena cu tur loke mester pa tene un nobena cu hopi respet y debocion. Tambe E mester ser bon cuida.

Durante e estadia di e Imagen na e residencia di un fiel, mester tin un bela sendi, preferible di bateria pa evita cualkier incidente, tambe dorna cu flor cu por ta di propio jardin. Tambe mester tin un bijbel habri ariba e mesa.”

Segun Atan Lee, gradicimento mester bay pa Banco Central, señora Selima Maduro Halabi di Subway, Peanuts Restaurant y tambe William Cheng, kendenan a yuda pa asina esaki por a bira posibel.

Esnan cu ta interesa pa tin e Imagen den nan hogar pa un nobena, por tuma contacto cu Atan Lee na cel: 562-8344.

Mester gradici señor Ciro Roberts, kende a hinca ful e buki di nobena den otro.

Diamars awor pueblo ta keda invita pa asisti na Kapel di Alto Vista na unda e bendicionamento di e Imagen lo tuma lugar. Probablemente lo bay ta presente Obispo Secco, Vicario Andres y Pastoor encarga cu Kapel, Pastoor Santiago.

- Advertisement -

DUNA COMENTARIO

Please enter your comment!
Please enter your name here