Home Religion y Espiritualidad Aruba a haya su Mama Maria di Alto Vista peregrino y a...

Aruba a haya su Mama Maria di Alto Vista peregrino y a wordo bendiciona na kapel di Alto Vista

478
0
SHARE
- Advertisement -

ORANJESTAD (AAN): Diamars atardi den un bunita ceremonia na Kapel di Alto Vista a tuma lugar bendicionamento di e Imagen di nos Patrona stima, Santisima Virgen Mama Maria di Alto Vista, cu presencia di Vicario Andres y Pastoor encarga cu Kapel, Pastoor Santiago.

Siman pasa, den un entrevista cu Sr. Atan Lee, el a splica cu durante nobena Nacional na honor di Virgen Mama Maria di Alto Vista, e mes sinta dilanti Kapel den oracion, a haya un idea cu a sali for di nos Mama Celestial stima, cu E tabata desea, pa e laga traha su imagen pa asina e por bay bishita esnan cu no por bin cerca dj’E na Kapel.

“Di biaha mi a cuminsa traha ariba e idea y mi a pidi un escultor di Colombia, Giovanni Betti Bastidas. E imagen ta di un metro di altura y ta traha di glas y fibra, e pintura ta di oleo, barnisa, mientras cu e corona ta di metal dorna cu piedra di color y barnisa pa proteccion.”

“Ta intencion pa famianan cu tin hende enfermo o cu ta desea di tene un nobena na cas por tin e Imagen pa 9 dia largo. Nan tin cu busqu’E pa 4’or di atardi na mi residencia y trec’E despues di 9 dia pa 4’or di atardi na mi residencia. E imagen mester ser transporta cu hopi respet, esta cu mester tin un persona sinta patras den auto pa compan’E.”

Durante e estadia di e Imagen na e residencia di un fiel, mester tin un bela sendi, preferible di bateria pa evita cualkier incidente, tambe dorna cu flor cu por ta di propio jardin. Tambe mester tin un bijbel habri ariba e mesa.”

- Advertisement -

DUNA COMENTARIO

Please enter your comment!
Please enter your name here