Home Beyeza Angelique van Varsseveld corona como Miss Planet Aruba 2020

Angelique van Varsseveld corona como Miss Planet Aruba 2020

1037
0
SHARE
- Advertisement -

ORANJESTAD (AAN): Riba Diadomingo durante un agasaho na WestCord Fashion Hotel na Amsterdam, a tuma lugar coronacion di e representante cu ta bay carga e nomber di Aruba na e certamen di Miss Planet International.

A toca e honor pa e conocido Rossini van Wijk, a corona e simpatica Angelique van Varsseveld como “Miss Planet Aruba 2020”.

Esaki a socede den presencia di e.o. Victoria Zimmerman di Vicky Foundation.

Rossini van Wijk kende ta director artistico y diseñador di costume a mustra cu e tin hopi confianza riba e bon trabao cu Angelique van Varsseveld lo desplega na e certamen di Miss Planet International 2020.

E lo competi hunto cu hopi candidata mas na e certamen dia 9 di Mei 2020 na Phnom Penh, Cambodia.   Cambodia ta un pais asiatico ubica mey-mey di Thailandia y Vietnam.

Na Aruba, Angelique a yega di modela pa diferente show di moda, y a haya guia tambe di e mentor Zuleika Coffie.  E ta studiando actualmente na Hulanda, y recien a participa tambe den certamen di Miss Eco Aruba, y a sali prome finalista.

Di eynan a puntre si e kier representa Aruba pa Miss Planet International, y el a acepta.  E ta contento cu e chens aki, y ta gradici tur su sostenedornan.

- Advertisement -

DUNA COMENTARIO

Please enter your comment!
Please enter your name here