Home Salud Adiccion na video gaming ta birando algo hopi serio na Aruba

Adiccion na video gaming ta birando algo hopi serio na Aruba

2848
2
SHARE
- Advertisement -

Arthur Comenencia di Consultorio pa Asuntonan di Adiccion

ORANJESTAD (AAN): Arthur Comenencia, representante di  e Consultorio pa Asuntonan di Adiccion a elabora cu nan ta traha riba parti di begeleiding y FADA ta traha riba parti preventivo y nan ta wak cu trahando hunto nan a logra yega mas cerca di comunidad, y hopi hende kier sa informacionnan riba nan rol como consultorio y nan lo participa den programa Carousel 2020 hunto cu diferente instancianan.

Segun Comenencia, nan lo trece dilanti e tema di video gaming pa motibo cu nan a haya hopi peticion di instancia y mayornan cu kier pa nan trata e tema aki, como tambe nan a haya diferente cliente den e parti aki.

Adiccion na video gaming ta birando algo hopi serio na Aruba. E ta cuminsa cu weganan di celular, y despues ta pasa pa video gaming pa 3-4 ora pa dia y despues ta bira 6 ora y mas, cu consecuencia cu scol ta bay atras,  nan comportacion ta cambia y hasta parti di higiene ta wordo afecta. Asina cu wak problemanan di comportacion, esey ta cuminsa bira un problema serio.

Mayornan ta hunga un rol esencial den parti di begeleiding den Consultorio, y mayoria di biaha nan mester duna begeleiding na e mayornan mes. Na comienso nan ta pidi pa mayornan compaña e mucha, tin biaha nan ta wak cu mayornan tambe mester di ayudo mas profesional, sea di psicologo of psikiatra cu ta traha cu nan.

Comenencia a indica cu te ainda Aruba no a conoce casonan na Merca, na unda adictonan di gaming ta actua e wega den bida real, pero loke si ta pasando ta cu weganan manera Grand Auto Theft y Fortnite, cu ta pa hendenan di 18 aña bay ariba, mayornan mester ta conciente ki wega nan ta permiti nan yiu pa hunga, controla kico nan ta hunga online y cuanto ora nan por hunga pa dia.

Ora muchanan ta bezig ta hungando, nan ta entretene nan mes y ta bira mas facil pa mayornan, pero cierto weganan ta manera bo ta duna bo yiu un arma cu inconcientemente por yega na un problema mas grandi.  Hopi tiramento na Merca a wordo perpetra pa mucha of hobennan cu a yega levelnan hopi halto den e weganan aki.

Hopi scol a cuminsa acerca e Consultorio riba e parti di video gaming y nan ta bay forma parti di un proyecto na San Antonio di seis siman otro aña.

Comenencia ta bisa cu mayornan por usa hermentnan manera set tanto ora di dia pa e mucha of hoben por hunga riba nan tablet, y usa e sistema cu nan por controla esaki tambe. Hopi mucha ta hopi sabi, y nan ta cumpra nan weganan online.

Nan por block cierto acceso y tambe impone reglanan firme. “Asina mayornan cumpra weganan aki, controla, controla y keda controla,” segun Comenencia.

Gaming riba su mes tin su bon y malo, pero mester guia e mucha of hoben. Hopi kier bira un IT of un gamer profesional, pero nan mester sigui e proceso, y bay bon na scol.

- Advertisement -

2 COMMENTS

  1. Con mi por pone simple pa boso. Como mayor boso mester pone ordo cuanto ora nan mag hunga. Awo mi opinion over e asunto ki ta lo siguentie. Mi lo prefera mi yiu ta hunga video games na cas unda mi tin control y bista riba dje en bez di e ta riba caya mane mayoria muchanan di awe dia cu ja na edad di 12 of 13 anja ta addicto riba droga cu alcohol. Awo esey ta mi opinion dus cada ken cu nan asunto pero mane mi a bisa boso mayor mester tin control over cuanto ora nan mag hunga y si boso no ta worry pa controla no daña pa otro paso boso a hasi fout y no a worry cu boso yiu nan. Danki y pasa un bon anochi

DUNA COMENTARIO

Please enter your comment!
Please enter your name here