Home Gobierno Un total di 2 mil persona ta bin na remarca pa tereno...

Un total di 2 mil persona ta bin na remarca pa tereno pre-reserva

121
0
SHARE
- Advertisement -

Ing. Haime Croes director di DIP:

ORANJESTAD (AAN) — Den conferencia di prensa di gobierno, e director di Departamento di Infrastructura y Planificacion (DIP), Ing. Haime Croes, tabata presente hunto cu Minister Otmar Oduber, titular di Infrastructura, Medio Ambiente y Desaroyo Teritorial.

Ing. Croes a cuminza expresando cu dia cu el a asumi e cargo di director di DIP tabata 1 di December 2018, y e momento ey el a haya un situacion hopi caotico den dicho instancia.

E ora ey DIP, hunto cu e minister, a dicidi cu ta bay planifica Aruba, y un di e basenan principal cu tabata tin pa planifica ta e ley di ROP (Ruimtelijk Ontwikkelingsplan Plan).

Den e ROP a defini claramente, e lugarnan na unda por construi cas y unda por desaroya sector turistico. Den esaki a wak dos trayecto:

1. Aktenan cu mester a “haal in” cual tabata e prioridad di gobierno, basa riba e hecho cu hopi hende tabata grita pa cas, y 2. Pa futuro. Kiermen, DIP mester wak patras y mester wak pa futuro.

Ing. Croes a splica cu a base di esaki a bin cu un maneho cu a wordo stipula den cuadro di ROP.

A base di e regla aki DIP ta bay tuma di aña 1992 te awo, ya cu gobierno a haya un retraso di 1992 te 2017, y mester a tuma tur e peticionnan di e periodo aki.

Na aña 2017 DIP a ripara cu tabata tin un average di 14.400 persona, cu a pidi tereno pa construccion di nan cas, kiermen parcelanan erfpacht.

Pa DIP e no ta bay pa otorgamento di tereno, pero e ta bay pa vivienda. Tin un problema cu vivienda cu gobierno mester pak aan, y e instrumento cu DIP tin, cu ta e parti di erfpacht nan tin cu percura pa tine.

A base di esey a mira e cantidad di peticionnan cu tin, y a base di e maneho aki, a wordo dicidi kico ta e reglanan. Ing. Croes a subraya cu tur hende por wak via e website di DIP, e maneho: ki ora un persona ta bin na remarca, na un forma transparente, asina tur hende por sigui nan informacion.

Croes a señala cu importante ta cu specialmente DIP a haya hopi critica, pasobra e minister a duna ordo pa sanea e lugar, trece transparencia, genera e confianza di e ciudadano bek, y loke ta mas importante ta e maneho nobo cu a introduci na DIP.

Den e cuadro aki, a yega na 14.400 Akte. DIP a bay di Mei 2018 pa awo na un total di 7.400, pasa riba e data base di cada hende, di cual 3.900 persona no ta bay aden, sea pasobra tin cu a fayece, a bay for di Aruba, of tin un cas of tereno caba, mientras cu 3.500 persona por bin na remarca pa un cas.

E ora ey a duna nan, a base di maneho, e chens pa bin den pre-reservacion. Di e grupo aki mas cu 50% a bay pa FCCA door cu den e condicionnan di DIP e persona mester tin un entrada di minimo di Afl. 144.000  (pa aña) y tur cu ta cay bao di esaki, DIP ta referi nan na FCCA.

Esaki pasobra den e maneho integral di DIP, FCCA tin un rol unda no solamente tin e aspecto social, pero nan por duna entre 90.000 pa 144.000 na hipoteca na un interes cu tambe por haci uso di dje.

Djey a resta como 2000 persona cu ta esnan cu ta bin na remarca pa pre-reservacion. Esaki ta un proceso den cual tur hende por bin na remarca, segun director di DIP.

 

- Advertisement -

DUNA COMENTARIO

Please enter your comment!
Please enter your name here