Tin plan pa traha hunto cu MOTA Engil pa loke ta plantacion di mata ariba Watty Vos Boulevard

    299
    0
    SHARE
    - Advertisement -

    Directora di Santa Rosa, Nathalie Maduro

    ORANJESTAD (AAN):   Santa Rosa tin plannan pa bay haci plantacion na cierto partinan cu ta cay bao di e area urbano.

    Nathalie Maduro, directora di Santa Rosa a indica cu nan ta bezig cu Universidad di Aruba. Tin un facultad cu pa dos aña caba ta bishitando un universidad na e districto di Columbia na Washington DC.

    Den pasado Aruba tabata tin un Memorandum of Understanding (MOU) firma cu e universidad aki. E universidad aki tin modelonan caba y nan a haci algun pilots cu nan. Como isla Aruba ta diferente compara cu Washington, pero toch tin cierto modelonan cu lo por adapta pa incorpora akinan, Maduro a declara.

    E siman aki lo tin algun reunion cu Universidad di Aruba pa wak con via nan lo por cuminza haya studiantenan di Universidad cu por yuda bin cu un plan mas elabora, a agrega.

    Siman pasa, Santa Rosa a wordo acerca door di un representante di MOTA Engil ya cu nan tin cu cuminza cu plantamento di mata ariba e caminda di Watty Vos Boulevard.

    Segun Maduro, nan a tuma nota di e lista cu e compania tin. Nan ta menciona hopi palma cu no ta palmanan di Aruba.

    A keda di tene un reunion cu MOTA. Nan ta interesa di cumpra matanan na Santa Rosa, pero pa wak si por cambia nan opinion un tiki y na lugar di bestel matanan di afo, kisas ta mihor pa haci uzo di matanan local.

    E mantencion lo ta menos y lo aporta na medio ambiente. Algun mata di fruta tambe semper lo yuda e fauna cu tin ariba e caminda aki, a remarca.

    E plannan ta hopi y ta wardando 2020 habri pa asina por tin e presupuesto ‘in place’ cu por cuminza traha bek, Nathalie Maduro a splica.

    - Advertisement -

    DUNA COMENTARIO

    Please enter your comment!
    Please enter your name here