Home General Ta bay implementa un maneho na Aruba relaciona cu igualdad di genero

Ta bay implementa un maneho na Aruba relaciona cu igualdad di genero

148
0
SHARE
- Advertisement -

Jocelyne Croes Raad Adviseur di Gobierno

*Ainda tin sectornan na Aruba unda hende homber ta gana mas cu hende muher

ORANJESTAD (AAN):  Jocelyne Croes ta Raad Adviseur di Gobierno y tambe pa asuntonan multilateral a splica cu ta trahando cu Nacionnan Uni pa loke tin di haber cu igualdad di genero relaciona cu e implementacion di un poliza aki na Aruba.

Croes a agrega cu tin e prome Prome Minister cu ta femenino den historia di Aruba, locual ta algo hopi remarcabel, pero importante.

E parti importante ta cu Prome Minister Evelyn Wever Croes a dicidi cu e kier un maneho ariba con pa crea mas igualdad y mas oportunidad di genero pa tur ciudadano na Aruba, Jocelyne Croes a indica.

Economia di Aruba cu ta basa ariba turismo, pa añanan largo, hende muhernan ta carga turismo. Tin mas hende muher emplea pero no necesariamente cu mesun salario cu hende homber y esey ta algo discriminatorio, a expresa.

E idea ta pa wak unda por tin mas productividad, mas crecimento economico tambe door di pone hende muher tin mas oportunidad pa nan. Pero pa esey mester traha ariba e “issues’ cu tin efecto ariba nan productividad  manera violencia domestico, pobreza den hogarnan cu hende muher ta carga, entre otro.

Esaki ta haci cu e hende muher door di e situacion ey por ta no por ta mesun productivo y no por tin e mesun oportunidadnan pa tambe por tin e crecimento economico y por contribui na e desaroyo di e pais, a splica.

“Toch ta bon pa para keto y wak pa nos tur como ser humano por progresa di un manera digno, pa toch por wak con ta implementa un maneho y haci un analisis di kico eigenlijk e problemanan lo por ta, pa nos tur por crea un Aruba mihor (…)”.

Pa loke ta e participacion di hende muher den mercado laboral Aruba ta para basta bon y hasta compara cu paisnan basta desaroya, Croes a duna di conoce. Pero pa locual ta trata nivel di salario, por ta den algun sector ta igual, pero den otro sectornan pa e mesun trabao ainda hende homber ta gana mas cu hende muher.

Locual ta un desafio ta e tema di hende muhernan cu ta victima di abuso sexual y tambe e trato y rolnan di hende muher den tereno di cuido. Den esey Aruba tambe por haci mihor compara cu paisnan europeo y otro paisnan.

Na Aruba tin camindanan cu cos ta canando bon y tin otro camindanan cu tin cu caminda pa cana tambe pa crea e oportunidadnan necesario, e experto a remarca.

E desigualdad den salario tin di haber cu algo historico siendo cu no tin motibo pa esey. Si bo haci un trabao bo mester wordo paga ariba un base igual, si ta mesun trabao. Pakico hende muher ta haya menos promocion cu hende homber, kico esey tin di haber?

Jocelyne Croes a splica cu ta haciendo un analisis di kico ta e situacion na Aruba pa asina por yega na un maneho cu ta pa elimina e desigualdadnan.

- Advertisement -

DUNA COMENTARIO

Please enter your comment!
Please enter your name here