Home General SVGA ta celebra nan 55 aniversario na grandi y cu un feria...

SVGA ta celebra nan 55 aniversario na grandi y cu un feria dialuna 9 di December

40
0
SHARE
- Advertisement -

ORANJESTAD  (AAN): Na aña 1964 un grupo di personanan preocupa cu e situacion di e personanan cu un limitacion intelectual a dicidi di haci un investigacion pa wak bou cual circunstancia e personanan aki tabata biba.

Señora C. van de Berg-De Freitas, señor P. Harting y señor A. de Vries, tabata e pioneronan ariba e tereno aki. Locual nan a haya tabata situacionnan deplorabel y pa cual mester a bin cambionan rapido.

Asina a lanta un fundacion dia 9 di December 1964, y a cuminsa traha plannan.

Señora Christina van de Berg-De Freitas tabata activo como presidente  te cu 2012.  Den e añanan cu a sigui a crea 3 pasadianan (Bibito Pin, Briyo di Solo y Man na Obra), cas pa reemplasa famia (Cas Shabururi ) y biba den bario y 1 scol Dun’un man pa enseñanza special.

“ 55 aniversario”

Den cuadro di nan 55 aniversario kier  celebra esaki na grandi y reconociendo cu por sigui mehora. Ta mira cu e Fundacion a crece y a logra realisa hopi di su plannan.

Ta sigui traha pa realisa mas lugar di vivienda y un scol pa e alumnonan cu ta sali di Scol Dun’ un man, e  Fundacion ta modernisando, trahando cu specialista y sistemanan automatisa.

Ariba tereno di cuido, guia y enseñansa e desaroyo a bay hopi lihe. Ta uza metodonan moderno pa yega na integracion y participacion den nos comunidad y lo sigui traha na un desaroyo maximo di nan clientenan hunto cu mayornan y profesionalnan.

Semper lo keda hopi gradicido na tur cu a traha cu tanto stimacion  pa e grupo meta, den e 55 aña cu a pasa y door cu ta hopi no lo menciona nan, pa no laga ningun afo.

Feria di Alegria

A pensa ariba e forma di celebra e fecha aki y algun colega a pensa pa haci algo recreativo y a pidi na e 2 educadornan fisico  (Jean Kock y José Puente) di e departamento di deporte pa organisa esaki. A pensa riba un forma di feria caminda tin hopi actividad recreativo.

Tambe a desea pa pidi ayudo na comunidad pa haya suficiente boluntarionan cu por yuda duna atencion prome, durante y despues di e feria. Aki ta caminda a haya caba IPA, IBiSA.

E fecha di e feria ta Dialuna 9 di December 2019, Ora : 9:30-12:30, Luga : Piedra plat 97A

Durante e feria lo tin:

*E wega nan recreativo planifica door di e dos stagaire nan di IPA di IBiSA lo wordo ubica den forma di un circuito

*Cada wega lo tin 3 variacion cu lo por wordo adapta na e nivel di cada participante.

*Lo tin ambiente musical di DJ Alvin.

*Entre e weganan lo ta bay tin tres tent unda cu ta spot nan pa hidrata y come algo durante di e Feria.

*A planea tambe pa pone un tent di prome auxilio y ta spera di por conta cu e ayudo di e instancia di Rode Kruis.

Esaki por logra solamente cu e sosten di comunidad henter.

- Advertisement -

DUNA COMENTARIO

Please enter your comment!
Please enter your name here