Home General Quota International di Aruba ta gradici pa nan exitoso fiesta di “Bohemian”

Quota International di Aruba ta gradici pa nan exitoso fiesta di “Bohemian”

48
0
SHARE
- Advertisement -

ORANJESTAD (AAN): Manera ta conoci, recientemente a tuma lugar e evento grandi di Quota International of Aruba.

Quota a tene su fundraising “Cherish the Boho Life”, cual tabata un exito rotundo y tabata un evento sold out.

Tur fondonan colecta ta bay back den proyectonan pa nos comunidad. Durante aña Quota ta haci proyectonan di servicio y ademas di un anochi di donacion unda fondonan ta ser entrega na fundacionnan den nos comunidad, tambe Quota ta haci proyectonan hands-on. Quota ta conoci pa su proyectonan di concientizacion pa cu perdida di oido y zonido demasiado duro.

E aña aki Quota a cuminsa yuda algun instancia caba manera Favi, Fundacion pa nos comunidad y asina sigui comparti cu e comunidad di Aruba.

Pa luna di December Quota lo tin varios bunita proyecto manera ta costumber celebra hunto cu nos mucha nan di Scol Scucha Nos, nos muchanan di Ortho Pedagoische Center y sigur nos grandinan.

Un Danki di Curazon na tur compania cu yuda patrocina bunita doorprize. Un danki di curazon na Renaissance Team cu pa e ultimo 10 aña nan ta traha hunto cu miembronan di Quota pa bunita decoracion pa e ballroom, na High Performance pa estrena su ultimo equipo di iluminacion.

Nan por a aprecia con bunita tur hende a bin bisti cu un toque di Bohemian. E premio di Best Dress dama a bay pa Sandra kende a ricibi un bunita premio di Kenro Jewelry.

E premio mas grandi tabata 2 tickets pa Miami cual Maduro & Sons a sponsor y premio a worde gana door di Señora L. Werleman.

Manera menciona tur fondo recauda ta worde duna back na comunidad, Nos ta traha duro pa logra esaki y pa sigui yuda e comunidad di Aruba. Quota ta gradici e pueblo di Aruba en general pa contribui cu Quota.

 

- Advertisement -

DUNA COMENTARIO

Please enter your comment!
Please enter your name here