Home Religion y Espiritualidad Parokia Santa Filomena cu weekend di Alabansa y Gradicimento

Parokia Santa Filomena cu weekend di Alabansa y Gradicimento

58
0
SHARE
- Advertisement -

ORANJESTAD (AAN): Pastoor Canuto (Toti) Fuentebella di Parokia Santa Filomena di Paradera hunto cu e Comision Organizado Hubileo 70 aniversario ta invita e parokianonan di Paradera y pueblo di Aruba en particular pa participa na e clausura di e Celebracion di Hubileo 70 Aniversario di parokia di Paradera.

Awe Diabierna 22 di november pa 7or di anochi lo tin un Santo Sacrificio di Misa na misa Santa Filomena specialmente dedica na Santa Filomena y despues di Misa ta sigui un alabansa cu canto dirigi pa e gruponan di Oracion Carismatico di Paradera.

Diasabra 23 di november lo ofrece un Santo Sacrificio di Misa di gradicimento pa tur e gracia y bondadnan cu e parokia a ricibi durante e Aña di Hubileo aki. Un invitacion ta bay specialmente na tur cooperadonan, scolnan di Paradera, hobennan, tur e famianan cu durante e aña aki a habri nan porta pa ricibi e gruponan di oracion di parokia pa haci oracion y hiba e bon noticia pa e barionan di Paradera.

Tambe tur colaboradonan, dunadonan di sponsor y tur esnan cu ta sinti nan parti di parokia di Paradera pa participa na e dos Santo Sacrificio di Misanan aki. Tambe ta invita pa diadomingo 24 di november pa 10or di mainta riba Fiesta di Cristo Rei pa un Santo Sacrificio di Misa special  pa clausura aña liturgico 2018-2019.

- Advertisement -

DUNA COMENTARIO

Please enter your comment!
Please enter your name here