Home Parlamento Parlamento a sostene unanimamente ley iniciativa di Minister Otmar Oduber pa elimina...

Parlamento a sostene unanimamente ley iniciativa di Minister Otmar Oduber pa elimina productonan plastico y di foam

128
0
SHARE
- Advertisement -

Ta trata productonan dañino pa nos Medio Ambiente

ORANJESTAD (AAN): Durante di e ultimo dos añanan comunidad por a mira un Gobierno cu a traves di implementacion di diferente maneho of ley a mustra cu pa prome biaha tin un Gobierno cu tin medio ambiente como prioridad den su agenda. Ademas a sa di reconoce e balansa cu ta necesario den comunidad pa percura pa desaroyo duradero tuma luga.

Tin diferente ehempel manera esun di mas recien cual ta esun di prohibicion di e ley di plastic di un solo uzo, styrofoam y oxybenzone cu a pasa 19 di november 2019, e proteccion di areanan den e parke marino cu a bay bou di maneho di Parke Nacional Aruba y e parke mes cu na cierto momento a conoce cambio den e directiva, e 16 areanan protegi cu ta trahando riba dje.

Ademas a reconoce e trabao cu NGO’s nan a haci den pasado y unda a lucha hopi pa haya reconocimento riba proteccion di Medio Ambiente. Den e cuadro aki a rebiba e institutonan cu pa ley mester keda existi y duna conseho na gobierno encuanto medio ambiente y percura pa nan por haya e respet manera e Raad Ruimtelijk Ontwikkeling (RRO) cu miembronan nobo y comision flora y fauna.

Pa loke ta e desaroyo cu mester tuma luga den un sociedad, Ministerio encarga cu Medio Ambiente a traves di Departamento encarga cu naturalesa y medio ambiente a introduci e maneho di ‘Build with Nature’. Esaki ta significa cu no solamente cu ta cuminsa traha y actua den e mihor forma pa conserva medio ambiente, sino cu tambe ta trata con por haci construccion hopi mas agradabel pa loke ta trata e cuido cu por existi di medio ambiente.

Pues desde e momento cu traha un edificio cu ta consumi menos coriente, esey kiermen cu menos fuel ta worde uza den esaki cual ta resulta den menos emision cu ta bay den medio ambiente, creando formanan mucho mas duradero di construccion. E maneho aki lo worde incorpora tambe den ROPV, caminda cu e condicionnan ta worde hancra den dje.

Den pasado naturalesa y medio ambiente no tabata prioridad di e gobiernonan cu tabatin, pero awor aki definitivamente mester tene esaki na consideracion y realisa e efecto cu medio ambiente tin pa futuro generacion y pa e propio desaroyo di nos Pais.

- Advertisement -

DUNA COMENTARIO

Please enter your comment!
Please enter your name here