Home General Otro aña lo drecha e mal trabao di contratista na Solito

Otro aña lo drecha e mal trabao di contratista na Solito

820
0
SHARE
— Como 560 meter malisimo di caminda.
- Advertisement -

ORANJESTAD (AAN): Manera DIARIO a trece dilanti caba den edicion di Diasabra, hopi automobilista ta keha con e caminda di Oranjestad pa Tanki Leendert a keda.  Nan a referi riba social media cu esaki ta e caminda di mas malo na mundo net dilanti RCA Arena bay nort.

Loke a pasa ta cu aña pasa, Fundacion FCCA a paga di su mesun placa pa core riolering bao di e caminda aki, pa asina conecta e poz di habitantenan di casnan di pueblo di Sero Patrishi, cu e sistema di riolering cu tin den Kamerlingh Onnestraat.

Prome cu esey, e caminda di Oranjestad pa Tanki Leendert tabata un di e mihor camindanan di asfalt cu tabatin na Aruba.

Pero FCCA a pone contratista haci excavacion di como 560 meter mey-mey di e caretera principal aki, pa tubo wordo poni abao y conecta cu e rioolstelsel di Kamerlingh Onnestraat.

Pa sorpresa di tur automobilista, e contratista a tapa e buraconan bek, pero esey a wordo haci na e forma di mas peor den historia di Aruba.

Consecuentemente, awor Kamerlingh Onnestraat di RCA bay panort rumbo pa e Schakelstation Elmar na Tanki Leendert, ta igual cu bo ta core off-road.

Despues cu DIARIO a publica e informe aki, siman nobo a cuminza cu e bon noticia!  A resulta cu DOW tambe ta nada contento con e trabao di riolering a keda.

Director di DOW, Marlon Croes, a splica cu ora cu FCCA a laga e contratista haci e trabao di excavacion, y pone asfalt bek, cu esaki a wordo na forma rapido.  Ora cu bo ta coba riolering den caminda, normalmente tin di tuma tempo pa asina laga e tera pak bon eybao.  Pues ora di yena esaki bek, cada capa bo tin di warda pa e pak bon den otro.

Awor ta notando con tur e santo aki a sak bao.  E poznan (di valve) a sak, e sleufnan a sak, y awor e caminda ta den mal estado.

DOW a reuni cu FCCA hunto cu e contratista Wegenbouw, pa nan bay haci e trabao aki.  Segun Marlon Croes, nan a hasta pensa pa haci esaki prome cu aña caba.  Pero fin di aña ta den yega, y pesey a opta pa bay haci e restauracion na 2020.

Ta conoci cu FCCA lo bay rek mas tubo di riolering for di e Casnan di Pueblo Tanki Leendert (patras di Stern) y conecta esaki riba e rioolstelsel di Sero Patrishi.  E biaha aki si, DOW lo bay ta vigilando mas estricto e asunto di ‘zaking’ di tera pa evita cu algo similar bolbe ripiti den futuro ora di tapa bek cu asfalt.

- Advertisement -

DUNA COMENTARIO

Please enter your comment!
Please enter your name here