Home Enseñanza Open Dag na IPA a bay completamente enfoca na bira maestro di...

Open Dag na IPA a bay completamente enfoca na bira maestro di enseñanza primario

10
0
SHARE
- Advertisement -

Berthson Boekhoudt a splica:

ORANJESTAD (AAN) – Señor Berthson Boekhoudt, director di estudionan inicial na Instituto Pedagogico Aruba (IPA), den entrevista cu DIARIO a elabora tocante e Cas Habri, cu a tuma lugar diasabra 9 di November aki y cu a dirigi solamente riba interes pa bira maestro di scol primario.

Sr. Boekhoudt a menciona cu diasabra cu a pasa nan a enfoca na promove enseñanza primario y e biaha aki nan a haci e actividad un poco diferente cu loke nan ta custumbra.

E docente a splica cu nan a hacie den forma di un tour, cu studiantenan potencial, cu ta desea di haya un “taste” di alomenos un ora, unda nan ta pasa den diferente area di formacion. Asina nan a duna un “taste” kico por spera nan si nan ta studia pa maestro di enseñanza primario.

E aspirantenan mester trece nan papel di censo di 5 florin, e diploma sea di HAVO of VWO, of Colegio EPI nivel 4. Si nan ta den examen klas, nan por aplica caba. Inscripcion ta habri caba, y tin un suma mara na dje. sr. Boekhoudt a subraya.

El a informa tambe cu e inscripcion lo cera dia 14 di Februari, pa esnan cu kier cuminza e estudio na Augustus 2020. El a pidi esnan cu ta interesa pa inscribi di biaha, pa nan haya tur e informacion necesario.  Nan por inscribi den siman di 8 or di mainta pa 5 or di atardi. Pa e estudio aki tin capacidad pa minimo 50 studiante parti den dos grupo, pero si tin mas demanda por habri un di tres grupo, sr. Boekhoudt a indica.

E aña aki nan ta enfoca solamente riba e opleiding pa maestro di enseñanza primario y IPA ta spera cu por haya hopi interesado pasobra Aruba y su enseñanza mester di mas maestro.

Duracion di e opleiding ta cuater aña, y IPA tin un programa cu ta bay yuda e studiantenan cu lo inscribi pa drenta IPA. E programa specificamente ta dirigi na un toelatings test cu tin pa Idioma y Matematica, y e intencion di esaki ta pa yuda mas hende cu ta interesa pa logra nan soño di bira maestro di scol.

 

- Advertisement -

DUNA COMENTARIO

Please enter your comment!
Please enter your name here