Home General No por kibra siguridad nacional pa fruta barata

No por kibra siguridad nacional pa fruta barata

542
0
SHARE
- Advertisement -

LVV Santa Rosa por bini cu proyectonan pa solucion

*No por habri frontera cu Venezuela den situacion peligroso

*Menasa di Chavista cu mester “libera” Aruba tambe ta existi

ORANJESTAD(AAN)–Ayera a drenta informacion cu na Estado Falcon a nace protesta contra e hecho cu e frontera entre Venezuela y Aruba ta cera. Esaki lo ta causa prijsnan di fruta halto na Aruba.

Cu e protestanan pues kier logra, cu e importacion di fruta for di Venezuela lo bira posibel atrobe ora barconan por nabega pa Aruba.

“Prijs mas barata di fruta no por kibra siguridad nacional di Aruba,” a wordo mustra na DIARIO.

E protesta a bini na momentonan cu peliger den e region di Aruba a yega un grado sumamente halto, manera e edicion di ayera tambe a ilustra.

“E momento cu habri e frontera cu Venezuela, porta ta habri pa Nicolas Maduro uza e oportunidad pa e por manda personanan cu e kier Aruba,” a wordo treci dilanti.

No por lubida e hecho cu algun tempo pasa, miembronan di e regimen Maduro a trece dilanti cu mester “libera” Aruba y e otro islanan Hulandes tambe.

“Habri frontera ta mescos cu crea peliger grandi pa Aruba,” a wordo treci dilanti. Mester tene na consideracion un cantidad di aspecto manera e grado sumamente halto di enfermedad, den cual sigur AIDS ta resalta mescos cu peliger serio pa e bienestar di e Arubianonan.

“Fruta mas barata no por ta un argumento pa e peliger grandi pa Aruba,” a wordo treci dilanti.

E solucion pa fruta mas barata por ta pa yega na proyectonan pa LVV. “E situacion a indica cu Aruba mester produci mas fruta,” a wordo indica como solucion cu no por wordo busca den habri frontera pa un situacion peligroso pa e pais y su ciudadanonan.

- Advertisement -

DUNA COMENTARIO

Please enter your comment!
Please enter your name here