Home General Mester borchi pa yuda chauffeurnan sa cua rotonde nan a yega

Mester borchi pa yuda chauffeurnan sa cua rotonde nan a yega

1804
0
SHARE
— Sponsors kizas por yuda pone borchi.
- Advertisement -

ORANJESTAD (AAN): Pa varios chauffeur, e coremento riba Watty Vos Boulevard nobo ta comosifuera nan ta riba un pais nobo.  Hopi di nan no conoce e ‘area’ desconoci aki di Aruba.

Y esey ta treciendo un problema pa hopi di nan.  Nan no sa ki ora a yega rotonde di Ponton.  Nan no sa ki ora a yega rotonde di Bushiri.  Otronan no sa mes ki ora a yega e paperclip rotonde di Sero Patrishi.

Pa tal motibo, DIARIO a tuma nota cu varios chauffeur a cuminza sugeri pa pone borchi pa nan sa ta cua rotonde nan ta yegando.

Aunke di berdad kizas Mota Engil ainda mester pone borchi di indicacion, toch e pensamento tey cu kizas ciudadanonan di e barionan aki mes lo por traha borchi di “Bon Bini na Bushiri”, of algo asina.

Mescos cu bo ta mira e ehemplo aki, pa mustra chauffeurnan cu nan ta yegando e rotonde di Ponton.

Por nota cu tin algun bario (e.o. Piedra Plat), unda via di sponsor a pone borchi pa duna bon bini na tanto turista como hendenan local den e bario.  Kizas e ta un bon idea pa pronto e wordo haci pa elimina cualkier confusion di chauffeurnan.

- Advertisement -

DUNA COMENTARIO

Please enter your comment!
Please enter your name here