Home Comercio McDonald’s ta introduci su “Surprise Happy Meal” pa tempo limita

McDonald’s ta introduci su “Surprise Happy Meal” pa tempo limita

41
0
SHARE
- Advertisement -

ORANJESTAD (AAN):  Pa celebra e di 40 aniversario di e prome Happy Meal, McDonald’s ta lanzando un “Surprise Happy Meal” pa tempo limita cu lo inclui algun di e cos di hunga nan mas popular di e ultimo 4 decada nan. E “Suprise Happy Meal” aki lo ta obtenibel na mas cu 90 pais rond di mundo pa un tempo limita na restaurant nan di McDonald’s participante cuminsando for di 5 di November, tanten tin den stock.

Durante e evento global aki, fans di tur edad ta invita pa uni na e diverticion y descubri ki cos di hunga ta spera nan, sea ta un “throwback” of algo nobo.
“Desde cu e Happy Meal a wordo introduci riba e menu, esaki a bira algo sinonimo cu nos marca” Steve Easterbrook, CEO di McDonald’s ta conta. “Awendia, e caha cora iconico ta crea dushi y bunita memoria nan pa miyones di famia henter aña rond di mundo”.

E Happy Meal a wordo introduci como un “Circus Wagon” na Juni 1979 na Estados Unidos, e prome version di e Happy Meal tabata un caha decorativo cu tabata inclui varios cos di hunga manera un “spinning top” y gum den figura nan di McDonaldland. E Happy Meal a expande globalmente na mas cu 38,000 restaurant den mas cu 100 pais rond mundo- cu e cos di hunga iconico, representando un simbolo di sorpresa y diverticion.

“Mayornan ta conta nos nan memoria di nan cos di hunga faborito”, Colin Mitchel, Senior Vice President di McDonald’s Global Marketing ta conta. “Dus, e fenomeno di “unboxing” e Happy Meal sorpresa hunto ta crea memoria nan real y un momento di vinculacion entre e mayornan y nan yiu. Nos ta spera cu e cos di hunga nan aki lo ta un memoria cu nan lo keda corda semper y lo aprecia”.

Ademas di crea momentonan leuk hunto, e Happy Meal ta gusta pa hopi door cu eta provee e tan famoso y faborito Chicken McNuggets y hamburgers. Durante e añanan, algun producto nobo y nutritivo a wordo agrega na e Happy Meal pa asina mayornan por sinti bon di locual nan famia ta consumi.

Globalmente desde 2013, McDonald’s a sirbi mas cu 6.4 biyon fruta y berdura, dairy low-fat y awa como opcionan den e Happy Meal, y e compromiso aki a evoluciona nan meta nan global di e Happy Meal cu  a wordo anuncia na 2018.
McDonald’s a revela e cos di hunga nan “retro” den e “Suprise Happy Meal”. Corda cu esaki nan ta obtenibel pa un temporada limita na restaurantnan participante na Aruba.

- Advertisement -

DUNA COMENTARIO

Please enter your comment!
Please enter your name here