Home General Gregorio Wolff mustrando cu Sindicalismo na Aruba den crisis

Gregorio Wolff mustrando cu Sindicalismo na Aruba den crisis

126
0
SHARE
- Advertisement -

ORANJESTAD (AAN): E veterano den Sindicalismo na Aruba, esta Gregorio Wolff, a mustra na DIARIO cu ta tristo pa menciona, pero mas cu nunca awe, sindicalismo ta den crisis.

El a mustra cu casi bo no ta tende lidernan sindical, solamente ultimo tempo ora e Lucha sindical ta conoce un biaha mas e fenomeno di kita miembro di otro sindicato enbes di busca pa mas trahador ta afilia na sindicato.

E fenomeno aki sigur a bira e modus operandi di algun sindicato.

Den Sindicalismo casi bo no ta ricibi informacion y di formacion not-not-not. Nos a ripara tambe cu ya pa mas cu 5 aña sigui no tin ningun actividad sindical ariba e dia mas grandi pa e clase trahador, 1 mei.

Formacion awendia ta e parti mas ausente den e lucha sindical na Aruba. Cu excepcion di FTA cu sa tene su encuentronan di formacion, maske limita, pero comparando cu e otro sindicatonan e ta cos di yora. Pesey no ta bini lidernan nobo y bo ta haya sindicatonan manera TOPA, STA y SEPPA cu lidernan maximo tin mas cu 12 of 13 y 14 aña na timon, SEPPA mas cu 19 aña. Tristo ta cu nos no ta tende ni lesa di eleccionnan interno.

Ken sa, cu e falta di formacion por ta plannan diabolico pa no forma lidernan nobo. Sin formacion no tin lidernan nobo y sin lider nobo ta e lidernan antigua mes mester keda.

Pues tur cos  ta ilustra con grave e  crisis sindical na Aruba ta.

Formacion sindical mester ta tambe un tema cu  gobierno mester pone den su presupuesto, pa yuda e clase trahador pa tin lidernan prepara, no pa gobierno dicidi con e formacion mester ta y of bay, pero sigur sindicatonan mester tin hopi di bisa den e forma y contenido di e formacion.

“Pakico mi ta bisa gobierno, pasobra constantemente nos por wak con gobierno ta fomento  formacion pa entrepeneurnan, esta pa lidernan  di empresanan. Cursonan pa prepara Lidernan pa representa e trahadornan ta nulo. Laga nos no lubida cu e partido mayoritario den gobierno tin e ideologia social-democrata, esta di tendencia Laboral, pues nan ta fayando barbaramente,” Wolff a indica.

“Mi conseho na millennialnan ta, pa baha e adiccion na rednan social, cuminsa mete bo mes den e lucha sindical, iniciando bira miembro di un sindicato y despues tuma liderazgo over for di e lidernan antigua. Eyfo tin grupo di lidernan retira kendenan ta dispuesto pa yuda.”

Pues millenialnan y otronan bao di 46 aña, boso mester lucha pa pone lidernan hoben y dinamico den sindicatonan

Situacion den SEPPA y un Lider nobo.

Nos ta bibando un tempo  di cambio, awendia  nos ta papia di  corporate Gouvernance cu su reglanan con pa administra un entidad dignamente, tambe di integridad.

Tur dos ta asuntonan esential, pero den sindicalismo esakinan ta teriblemente ausente. Hasta e reglanan basico di democracia cu elecionnan no ta existi mas cerca varios sindicato.

Esaki ta tristo.

Democracia ta mara na e statutonan y reglamentonan interno di e sindicato den cual tin e metanan, e normanan y balornan sindical. Integridad kiermeen respeta reglanan y leynan general pero mas cu tur ta respeta bo constitucion (statutonan) pa pone e organonan dentro di e sindicato funciona.

 

- Advertisement -

DUNA COMENTARIO

Please enter your comment!
Please enter your name here