Home General Fiesta cu placa di pueblo ta dushi!

Fiesta cu placa di pueblo ta dushi!

413
0
SHARE
- Advertisement -

Resumen

Rapport di Comision di Supervision y di Instancianan Oficial

*Hamas politiconan lo a abusa di e forma aki cu nan propio placa

*E figura tristo di Mike ta sigui baila cu 7 Mil voto riba caya

No tin espacio pa desmenti mas. Comision di Supervision Financiero di Reino y instancianan oficial no ta produci mentira pa scapa politiconan envolvi.

Fiesta cu placa di pueblo ta dushi. Sigur ora tur regla wordo tumba y na un forma criminal probecha di posicion politico pa kibra futuro di un pueblo.

Rapport tras di rapport DIARIO a presenta y splica Aruba kico ta pasa cu e pais, cu un futuro cu casi a spart for di otro.

Ta tristo pa mira con ta uza hende inocente cu no por comprende kico a pasa cu nan pan, pa ainda sigui sconde e gran berdad mientras porta tras di porta ta cera pa mentira.

Un abuso gobierno anterior a haci di Aruba. A hinca pueblo di Aruba den ilusion grandi pa a abusa di su placa manera tabata kier.

Hamas politiconan di gobierno anterior di Mike Eman y nan compinchinan den e mayoria den Parlamento lo a abusa di nan propio placa manera nan a haci cu placa di Pueblo di Aruba.

Na 2014 a pone sindicatonan y comercio sinta na mesa pa busca forma pa baha e debe nacional y drecha e situacion na Aruba. Pero mas cu nunca a sigui haci gasto pa Aruba cu a hinca den un aventura tras di otro.

Aparentemente gobierno anterior di Mike Eman a pensa cu nunca su berdad lo sali na cla. Pero awe e no tin luga pa sconde mas.

Dushi e fiesta tabata manera e rapport di Comision di Supervision Financiero di Reino ta splica awor. Hopi dushi con a bay contra ley y hasta e contracto di trabou entre gobierno (pueblo) y trahadonan di gobierno pa fiesta cu overtime.

Cu rason e Comision di Supervision Financiero di Reino ta puntra con un hende por traha 40 ora di trabou mas 30 ora di overtime pa siman.

Berguensa politico a caba ora gobierno anterior di Mike Eman tabata spart placa di pueblo sin cu e por a controla con tabata haci cu e placa. Esaki no ta DIARIO ta bisa pero rapport di e autoridad financiero di Aruba.

Awe Aruba ta den crisis. Mike Eman ta baila riba baricada y riba caya.

Hamas Aruba a mira tanto rapport oficial cu ta sclama vengansa pa e forma cu a abusa di un pueblo cu a wordo manipula sin consenshi.

Credibilidad politico ta muri na Aruba cu ta victima directo di e fiesta di gobierno Mike Eman.

Ta un berguensa cu ainda nan ta habri boca riba caya. Pasobra Parlamento Mike Eman no por drenta pa e placa cu el a kita for di boca di pueblo, no dal den su cara y rementa su manipulacion politico.

Hopi dushi tabata pa tene fiesta cu placa di pueblo, cu awe ta yora y ta sufri hamber mientras futuro di muchanan ta na peliger.

 

- Advertisement -

DUNA COMENTARIO

Please enter your comment!
Please enter your name here