Home General E siman aki ta spera rapport fraude cu test di cancer

E siman aki ta spera rapport fraude cu test di cancer

849
0
SHARE
- Advertisement -

Hopi pregunta pisa mester haya contesta 

  • Castigo por bini di Ministerio Publico y Supervision Medico 

ORANJESTAD(AAN)– Informacionnan cu DIARIO a ricibi ta indica cu e siman aki e rapport riba e ladronicia cu a wordo cometi cu testnan di cancer den laboratorio na hospital, lo mira luz.

Informantenan a duna di conoce na DIARIO cu preguntanan importante mester haya contesta. Entre otro mester wordo splica con por a posibel cu e trayecto cu testnan di cancer mester cubri, por a permiti loke a pasa.

“E PAP test ta cuminsa cerca dokter cu ta manda e material pa haci test pa laboratorio. Na laboratorio mester tuma e pasonan pa e testnan wordo haci segun indicacion stipula. Tin test preventivo y test a base di reclamo. Pues lo mester sali na claridad den cuanto caso un pashent cu reclamo a spera un resultado cu no a drenta,” a wordo splica.

Importante ta bira cuanto reclamo a drenta di dokter y pashent y con a atende cu e reclamonan aki. Ta normal cu e pashent ta atende cu su dokter y no ta bay directamente na miembronan participante na e proceso pa haci e test.

Detaye di investigacion ta sumamente importante pasobra e rapport aki no por bira un documento pa Hospital, AZV y e instancianan directamente relaciona cu e caso solamente.

Si di berdad tabata tin actonan cu por considera criminal, Ministerio Publico mester wordo envolvi y den e caso aki lo nace un caso penal cu lo bay mucho mas a fondo.

Por bay pidi ayudo di Hulanda, caminda e adres cu a wordo uza pa haci e testnan ta.

“Den mundo medico no tin caso sin importancia. Ta cu bida di hende ta hunga si comete actonan contra di ley. Tin Colegio di Supervision Medico cu tambe ta castiga y ta actua,” a duna di conoce.

Si e documento mira luz e siman aki pues un etapa nobo mester cuminsa den un caso sumamente lamentabel cu a pone bida di hende na riesgo pa ganashi material di tur cu por ta envolvi.

 

 

 

- Advertisement -

DUNA COMENTARIO

Please enter your comment!
Please enter your name here