Home Enseñanza E luna aki tin fiesta di re-union na Colegio Arubano

E luna aki tin fiesta di re-union na Colegio Arubano

76
0
SHARE
- Advertisement -

ORANJESTAD (AAN): E añanan na scol secundario ta pa hopi hende un periodo di cual nan tin masha bon recuerdo. E ex-alumnonan di Colegio Arubano tambe ta recorda cu masha placer e tempo ey, cu tabata determinante pa nan futuro.

Nan ta recuerdo di les for di e docentenan cu a inspira, e localnan, e pleinchi di scol, e actividadnan pafo di scol y tur amistad cu a nace durante e añanan aki.  E speranza ta cu tur ex-alumno tambe tin bon recuerdo di Colegio Arubano y cu un laso duradero a surgi entre abo y e scol.

Dia 23 di november 2019, Colegio Arubano ta celebra 60 aña di existencia durante un reunion festivo, pa cual nos tin e grato placer pa invita bo. Esaki ta un oportunidad unico, pa bo bolbe bishita bo scol, paden y pafo, combersa cu ex-compañeronan di klas y disfruta di e presentacion musical.

Colegio Arubano ta espera presencia di ex-alumnonan, pa duna nan un bonbini y un recorido na bo scol, unda bo a pasa hopi aña di bo hubentud.  Ya ta bende carchi di entrada pa e reunion festivo aki na scol.

Cu e recaudacion di e “Reunion Fundraising Event” aki, cu lo tuma luga na e “Reunion Plaza”, Colegio Arubano lo financia e reparacionnan necesario di e scol. Desde su fundacion na 1959, naturalmente a drecha hopi cos na e scol y na enseñansa. Nos ta purba bay cu tempo.

Den e añanan venidero, nan kier sigui cu renobacion y mantenemento di e edificionan di scol, pero lamentablemente e medionan financiero no ta alcansa. P’esey nan a acerca compania- y otro instancianan, pa nan duna nos apoyo financiero den e trabao grandi di reparacion di Colegio Arubano.

Un suplica ta bay na ex-Colegianonan pa yuda, y haci un donacion na Colegio Arubano. Cada suma ta sumamente aprecia. Tur placa ta destina na reparacion, mehoramento y renobacion di e scol. Por deposita contribucion riba nan cuenta di banco na RBC Bank 31336649, Aruba Bank 16602269 of CMB 21078005, cu e nomber “Steun opknappen Colegio Arubano ex-Colegiaan”.

Cu bo ayudo, nan ta compromete nan mes optimalmente pa un enseñansa di HAVO- y VWO di calidad halto na Aruba. E generacion actual y esunnan den futuro merece esey. Cu gusto nan ta topa bo dia 23 di november benidero na Colegio Arubano.

- Advertisement -

DUNA COMENTARIO

Please enter your comment!
Please enter your name here