Home Hudicial E luna aki caso Paul Croes hunto cu 5 mas den Corte...

E luna aki caso Paul Croes hunto cu 5 mas den Corte Superior

1413
0
SHARE
- Advertisement -

Fiscal a apela 4 di e sentencianan

ORANJESTAD (AAN) – E luna aki, pa ta exacto dia 26 di November 2019, tres Hues (Hof) di Corte Superior lo ta na Aruba pa trata e apelacionnan contra e sentencia di 22 Februari 2019 di e caso penal IBIS, den pueblo conoci como e caso Paul Croes.

FISCAL A APELA 5 SENTENCIA

Investigacion cu DIARIO a haci ta mustra cu en total tin 6 apelacion contra e sentencia. For di tempran despues di e sentencia di 22 Februari 2019, tabata conoci cu Paul Croes y su señora Melony a apela e sentencia.

Nan abogado mr. Illes a haci esaki. Ademas di esey, tin Wever cu a apela e sentencia. Tur e otro apelacionnan ta di banda di Fiscal, cu no tabata di acuerdo. Tin tres di e sentencianan cu Hues a declara e sospechosonan liber. E otro ta cu Fiscal tambe a apela e sentencia di Paul Croes.

Hues no a bay di acuerdo cu e exigencia di Fiscal. Fiscal a exigi 5 aña di prison, kitando e tempo cu Paul tabata sera na KIA. Ademas Fiscal a exigi 10 aña cu Paul no por postula su mes pa wordo eligi.

SENTENCIA CASO IBIS

Dia 22 Februari 2019 Hues a duna evaluacion general di caso IBIS, corupcion y cumpramento di Paul Croes. Haya cu ta bon duna un splicacion con Corte ta mira. Empresarionan mescos cu rond mundo mester di trahadornan di exterior.

Den caso IBIS tin situacion caminda e empresario ta castigabel ora el a haci oferta y duna placa pa move empleado di Gobierno pa haci fabor. Si haci donacion sin interes, esaki no ta castigabel.

E ambtenaar ta castigabel si acepta y haci trabounan. Un regalo tin un imagen amplio. Si Paul Croes pidi placa y acepta placa di e empresario e chens tey cu e empresario tin un posicion ventahoso.

** Jairo Wever a pidi ayudo di Paul Croes pa haya trahadornan di exterior pa Valero. Hues ta haya cu e hecho cu riba peticion di Paul Croes, Wever a cumpra carchinan na balor di 1500 florin pa yuda, considera esaki cumpramento. Wever a bisa cu e no kier daña e relacion pesey a cumpra e carchinan.

Hues ta haya cu Wever a haci donacion pa haya ayudo e momento y den futuro. Hues a condena Wever menos cu Fiscal a exigi. Pa mayoria di e empresarionan Hues a stipula un multa di 5 mil florin, 2500 ta condicional cu un tempo di prueba 3 aña.

** Melony Croes Paesch, Hues a bisa cu tin un parti cu e ta declara liber pa labamento di placa. Hues ta haya cu no ta suficiente prueba cu Paul Croes lo a hinca placa den negoshi di Melony, ta wordo declara liber. Pa loke e otro acusacion di labamento di placa cu Paul, Hues a declara liber.

Hues ta haya cu Melony no tabata sa di placanan cu Paul Croes lo a haya. Door cu Paul Croes tabata haci gastonan priva, con Melony por sa cu esaki lo tabata procedente di delitonan. Hues ta haya Melony a laba placa den su negoshi. Tin un cantidad di placa cu no por describi e prosedencia di esakinan mas cu 209 mil florin. Tambe Hues ta haya Melony complice di tuma trahador ilegal den servicio. Paul a laga e dama Venezolano drenta Aruba door di Vingal. E dama tabata traha sin permiso di trabou serca nan y tabata haya pago. Hecho ta cu e dama tabata na Aruba como turista y tabata traha y pesey considera como traha ilegal.

Tene cuenta cu ta dificil pa haya hende adecua pa cuida yiunan. Normal pa esaki mester duna un multa. Di otro banda Melony como casa di minister mester duna un funcion di ehempel. Hues ta haya cu ta evidente cu famia a sufri pa e caso.

No lo tuma esaki den castigo pasobra ta normal como minister lo haya esaki. Lo desvia castigo na beneficio di Melony. Hues a condena Melony na 120 ora of 60 dia sera. 3 luna di prison condicional cu 3 aña prueba.

** Pa loke ta Paul Croes, Hues a tene cuenta cu Paul su sufri den caso aki pero no lo desconta esaki di castigo. Hues a tene cuenta cu 79 dia den limitacion y lo desconta esaki den castigo. Hues a bisa cu e no ta sigui exigencia di Fiscal. Hues ta haya cu Fiscal a haya tur e casonan di cumpramento mesun cos y no a haci distincion. Na opinion di Fiscal, mester duna señal bon cla cu no ta permiti corupcion y ta castigabel.

Hues a bisa cu e ta comparti e parti di Fiscal cu Paul lo no por postula su mes como politico pa eleccion y tampoco traha como ambtenaar. Fiscal a exigi pa detencion di inmediato. Hues ta haya cu Paul mester ta liber pa por apela su sentencia.

Hues ta haya tur 6 acusacion proba. Hues a condena Paul Croes na 4 aña di prison y 9 aña no por postula como politico.

** Ninosca Nuñez tabata tramitador pero no tabata sa cu Schwengle y Filiciana tabata mal use. E tabatin bon relacion cu Paul Croes y tabata paga pa proceso di permiso. E no a haci regalo of pago na minister Paul Croes pa haya dispensacion. Hues no ta haya esaki proba pesey a declara Nuñuez liber.

** Robio Di Vecchia tin bon relacion cu Paul Croes. A ofrece discuento pa instalacion di airco pa Paul Croes su oficina. Fiscal ta considera esaki un regla door duna discuento hopi halto. Hues no ta considera esaki un regalo. E sospechoso a mustra lista di otro discuento cu duna otro clientenan. Pesey Hues a declara Di Vecchia liber.

** Rudmilla Martinus pa añas tin un bon relacion cu Selma Arends y cu Arends tabata haya comision ora e bende carchinan di concierto. Hues ta haya cu e hecho cu Martinus ta papia cu Arends riba permiso pendiente y tambe cumpra di carchinan pa concierto no por considera esaki di ta cumpramento. Hues a mustra cu pa añas Martinus ta cumpra carchinan pa concierto y no ta cumpramento. Hues a declara Martinus liber.

Dia 26 November 2019 tur esnan ariba menciona lo presenta den sala di Corte di Husticia di Aruba pa e caso di apelacion di sentencianan IBIS. Posiblemente e caso lo ta un “regie zitting” caminda Hof di Corte Superior lo bay palabra fecha pa tratamento di e caso pa otro aña.

 

- Advertisement -

DUNA COMENTARIO

Please enter your comment!
Please enter your name here