Home General E base di pensioen di ambtenaar y e dolor di grandinan

E base di pensioen di ambtenaar y e dolor di grandinan

451
0
SHARE
- Advertisement -

Analisis 

Tras di expresionnan cu ta wordo haci den publicidad, tin un trabou importante pa periodismo cu mester midi interes di tur parti di comunidad y sali dilanti pa e bienestar pa ciudadanonan cu problema pa presenta nan problema

Den un discusionnan cu tin riba indexering di trahadonan di gobierno, tabata tin puntonan cu cerca pueblo no a cay den bon tera.

Na prome luga, manera semper DIARIO a insisti, ta poco dificil pa kere cu sindicatonan di trahadonan di gobierno no tabata na haltura cu nan no mester a yega na e areglo cu nan a acepta di gobierno Mike Eman pa awor haya aumento dor di indexering.

E trahadonan di gobierno mester tabata conoci cu e problemanan serio di Aruba y e posicion di Hulanda pa loke ta trata gastonan di gobierno. Nan mester ta tambe conocedo di ley cu ta exigi pa interes di e pais no wordo poni na riesgo, manera a pasa cu e areglo cu no ta na interes di Aruba na e momentonan aki.

Un expresion cu tabata dificil pa laga pasa sin mas, tabata e hecho cu segun e sindicato e falta di aumento di salario ta afecta e pensioen cu nan ta bay cobra den futuro.

Ora papia di futuro no ta e trahadonan di gobierno ta e prome grupo cu ta bini dilanti. Nan pakete di beneficio como trahado di gobierno ta supera e pakete di trahadonan den sector publico y hasta di comerciante.

E siguridad di entrada di e trahado den sector di gobierno awe ta articulo principal pa DIARIO cu ta tene bista dirigi riba negoshinan den problema cu mester paga salarionan di trahadonan den comercio.

E siguridad di loke nan entrada ta cubri enfrente nan necesidad, sigur ta importante ora papia di pensioen y sigur pa e Arubianonan cu mester biba di pensioen di bes awe of den futuro afecta pa medidanan.

E personanan cu awe ta ricibi pensioen tambe a paga pa nan haya pensioen cu ta un seguro social. Tur hende ta paga pa pensioen di behes cu no ta subi manera fli den biento di Cuaresma ora grandinan ta den problema financiero.

Pa nos grandinan ta dificil acepta cu bida ta bira mas caro y cu nan no por subi caya pa exigi gobierno subi nan pensioen di behes. Pa grandinan ta sumamente dificil acepta cu e entrada cu nan tin, lo bira menos a base di e costo di bida cu pago di indexering di e trahadonan di gobierno lo encera.

Awe e grupo di politiconan cu a hunga cu sindicatonan mes ta riba baricada y ta haya sosten directamente di sindicatonan, pa nan inhustamente habri nan boca. Gobierno anterior awe ta wordo beneficia dor di trahadonan di gobierno, cu a permiti gobierno anterior hunga cu nan base di pensioen.

Awe ta dificil pa victimanan di gobierno Eman scucha di boca di sindicatonan, cu nan ta preocupa pa nan pensioen. Grandinan tambe ta preocupa pero nan no tin forsa mas pa subi baricada cu no ta sirbi nan di nada pasobra medida mester wordo tuma pa confronta un realidad cu indexering lo empeora!

 

- Advertisement -

DUNA COMENTARIO

Please enter your comment!
Please enter your name here