Home General DTI lo sigui traha den 2020  cu sistema di stickers pero lo...

DTI lo sigui traha den 2020  cu sistema di stickers pero lo evalua si tin otro sistema mas eficiente

38
0
SHARE
- Advertisement -

Anko Koopmans, director

ORANJESTAD (AAN):   Director di Dienst Technische Inspecties (DTI), Anko Koopmans, a elabora riba e plannan di e departamento aki pa 2020.

El a indica cu pa 2020 nan ta bay focus pa e responsabilidad di cada ken y di e companianan pa nan ekiponan.

Ta purba pa e hende bira mas conciente di kico nan ta haci ariba caminda. Cu e UTV’s ta mesun cos. DTI no por obliga nan pasa eynan. Cuerpo di Polis mester haci e controlnan pa nan haya boet y tin hopi boet cu ta bayendo pa Ministerio Publico, Koopmans a laga sa.

Polisnan ta haci nan trabao y DTI por haci mas, pero esey ta depende di nan personal y nan tempo, a agrega.

“Pero cada persona ta responsabel pa su mesun actonan y esey ta na unda mi ta kere mester di un tiki mas cooperacion”, a bisa.

Ta bay wak tambe ariba e parti di seguro, plachi number y ta wak si por traha mas hunto cu Polis. Si ta haya autonan cu no ta gekeur, si polis ta haya nan, nan ta haya un boet. Pesey ta keda na e chofer pa bay DTI.

Pa ley, tur auto mester ta gekeur, de, caso contrario ta haya boet. E hendenan cu ta bay DTI y nan auto no ta den bon condicion, nan ta wordo afgekeurd. Esey si ta un parti di DTI, cu nan ta afgekeurd autonan si nan no ta cuadra cu locual ta exigi den ley, Anko Koopmans  a duna di conoce.

E autonan cu no ta pasa e test na DTI ta haya un luna pa drecha nan fayonan y si nan no kier bay bek, esey ta nan responsabilidad. DTI ta haci e keurmento y nan autoridad ta den keur local y no ariba caminda.

El a indica cu pa otro aña ta bay wak con por mehora of haya un tiki idea. Ta bezig ta wak cu e comision di trafico pa bin cu ideanan. Ta constata cu tin hopi auto cu no tin e condicion pa subi caminda, pero DTI no tin e autoridad pa busca nan y obliga nan bay keur.

Den caso di accident, si e auto ta core ainda, hopi biaha polis ta puntra DTI pa haci un test cu e auto, por ehempel di e brake, luznan of bentanan getint, pa en caso cu si esey por a contribui na e accident.

Koopmans a laga sa cu mester bay traha cu un sistema unda tur e numbernan di auto ta hinca cu e doñonan y kico nan a paga y kico no. Actualmente DTI ta esun cu ta provee Polis cu e numbernan di auto cu ta gekeur. E no sa si tin otro sistema cu polis ta traha directamente cu belasting.

Pesey DTI tin e sistema di stickers y belasting kantoor tin plachi nummer cu color cual ta un indicacion visual di pafo cu ta haci e trabao di e polisnan mas facil. Otro aña DTI lo sigui cu e sistema di stickers, pero lo wak tambe con por haci e control den un otro forma.

Por ta, a bisa, por traha hunto cu Polis pa medio di un sistema di scanner banda di caminda y cu por haya tur informacion. Pero esey ta ideanan cu mester wordo haci y cu por ta mas facil y mas eficiente, cu e datonan disponibel pa cada auto cu ta core na Aruba.

Tur esaki lo wordo evalua den 2020, e director di DTI a splica.

- Advertisement -

DUNA COMENTARIO

Please enter your comment!
Please enter your name here