Home General Dos studiante cu evento pa recauda fondo como nan proyecto pa termina...

Dos studiante cu evento pa recauda fondo como nan proyecto pa termina nan estudio

45
0
SHARE
- Advertisement -

ORANJESTAD (AAN)- E hobennan Lissa Letang y Luna Rodriguez tabata di bishita na DIARIO pa asina duna informacion na prensa di nan evento cu nan tin planea pa dia 30 di November proximo.

Como nan afstudeer proyecto di nan Colegio EPI unda nan ta studiante di sector economia, nan ta trahando riba un benefit show pa asina recauda fondonan y articulonan di prome necesidad pa Fundacion pa nos Comunidad.

E benefit show lo bay tuma lugar dia 30 di November venidero for di 4’or di atardi pa 9’or di anochi den Centro di Playa Pabao y ta pa henter famia. Lo bay tin diferente bandanan local, gruponan di gaita, kids corner, bishita di sinterklaas y tambe un cushina y bar bon surti.

Muchanan bao 12 aña ta drenta gratis cu nan mayor. Carchinan pa e benefit show aki ya ta obtenible na Fundacion pa nos Comunidad, na administracion di seccion Economia na EPI y na porta.

Lissa y Luna ta spera pa haya contribucion di comunidad pa cumpra ticketnan pa e evento aki pa asina yuda nan pa nan proyecto bira exitoso.

E dia aki tambe por trece articulonan di prome necesidad tambe na Centro di Bario Playa Pabao of por yama 588-0002 pa mas informacion.

- Advertisement -

DUNA COMENTARIO

Please enter your comment!
Please enter your name here