Home Social Donacionnan na FAVI ta esencial pa cumpra material pa yuda e clientenan

Donacionnan na FAVI ta esencial pa cumpra material pa yuda e clientenan

86
0
SHARE
- Advertisement -

ORANJESTAD(AAN): Diaranzon tabata un dia bunita pa e clientenan di FAVI, mirando cu riba Dia Internacional di Mucha Shoco Legends Bikers Club a haci entrega di un donacion na e fundacion.

E Bikers a organiza un actividad interactivo pa e muchanan riba nan dia, cu a inclui entre otro popcorn, raspao y pintamento di cara.

E muchanan despues cu cara contento a core riba brommer cu e miembronan di Shoco Legends.

DIARIO a entrevista Ambulante Onderwijskundige di FAVI Meredith Farup y el a splica cu e donacion ta nifica hopi pa FAVI, pasobra e ta un fundacion cu ta depende completamente di donacionnan.

“E donacion aki ta specificamente pa enseñanza  di e muchanan, esta pa cumpra tur e material cu nan tin mester di dje”.

Esaki segun Farup, kende a splica cu actualmente ta haci uso di un machine moderno (brailleleesregel) cu ta un machine hopi costoso.

Bo ta conecta e machine aki na por ehempel un laptop y e ta converti e texto den braille.

E parti bunita segun e docente ta cu e limitacion di bista no mester nifica cu e mucha no por yega leu den su educacion.

Tin muchanan cu ta bayendo EPI, Colegio y te hasta Universidad, cu tin limitacion di bista.

Hopi di nan a wordo yuda pa e material cu FAVI ta adkiri, yuda pa e donacionnan cu e fundacion ta ricibi.

Pesey e tipo di accionnan aki manera di Shoco Legends ta algo sumamente bunita y importante.

Setty Baar di FAVI durante un conferencia di prensa riba mesun dia a gradici e Bikers Club pa nan donacion.

“Nos ta contento cu algun di nos muchanan a logra bin e actividad y manera boso ta wak, nan ta muchanan manera cada otro mucha riba nos isla”.

“Nan ta feliz y contento y nan tambe kier participa na tur cos”.

“Pesey mi ta aprecia cu boso ta sigui yuda nos, pa nos sigui yuda nan”, segun Baar.

 

- Advertisement -

DUNA COMENTARIO

Please enter your comment!
Please enter your name here