Home Enseñanza Donacion di buki submarin na muchanan di Imeldahof

Donacion di buki submarin na muchanan di Imeldahof

26
0
SHARE
- Advertisement -

ORANJESTAD  (AAN):  Den siman di Festival di buki, Denise de Jongh-Rekwest, autor di e buki nobo ‘Bin, bin, sigui mi submarin’ a haci entrega di  buki pa cada mucha di Imeldahof.

Cu e donacion di Avis Rent A Car, Divi Impact Foundation y Denise su editorial Request Publishing, nan ta motiva y promove lesamento cerca e muchanan. E empleadonan di Imeldahof y e muchanan a ricibi e donacion cu hopi entusiasmo y nan tabata mas contento ainda cu e autor a firma den buki di cada un.

Wendy de Cuba di Avis Rent a Car, comision di Divi Impact Foundation y autor ta contento y satisfecho di por pone un sonrisa riba cara di e muchanan di Imeldahof, siña nan cu lesa ta pa diberti y na mes momento e ta siña nan cu tene nan ambiente limpi ta un actitud positivo y duradero.

Bin, bin, sigui mi submarin ta contribui grandemente na desaroyo sostenibel di medio ambiente. Denise de Jongh-Rekwest ta gradici tur muchanan, mayornan, scolnan, docentenan, Biblioteca di Aruba pa e bon bini caluroso den e siman di Festival di buki organiza pa Biblioteca Nacional Aruba.

Riba e potret Wendy de Cuba di Avis Rent a Car y autor Denise de Jongh-Rekwest ta haci entrega di buki na Liliana di Imeldahof.

- Advertisement -

DUNA COMENTARIO

Please enter your comment!
Please enter your name here