Home Enseñanza Diasabra 9 di November tin opendag na Universidad di Aruba

Diasabra 9 di November tin opendag na Universidad di Aruba

27
0
SHARE
- Advertisement -

Henter pueblo ta invita:

ORANJESTAD (AAN)—Diasabra 9 di November, Universidad di Aruba (U.A) ta ofrece un opendag, pa asina tur studiante cu kier sigui un carera universitario, bin informa nan mes kico ta e opleidingnan cu U.A tin pa brinda.

E studiante Danian Basti, cu ta sigui e estudio di Arte y Ciencia su programa di Organizacion y Maneho Gubernamental. El a menciona cu U.A tin e careranan di Economia, Ley, Trabao Social HBO, Marketing, Wiskunde, y mas.

E studiante a expresa cu hopi biaha hendenan na Aruba ta bisa cu den e Isla aki no tin nada (pa loke ta trata estudio academico) y nan ta bay Hulanda, y nan no sa cu kizas na Aruba tin algo cu ta pa nan.

Tambe tin personanan cu no kier bay studia afo pa cuater aña largo. Na U.A tin un programa en cooperacion cu Erasmus University unda tambe e studiante ta haya un chens di studia afo pa seis luna y Aruba por mustra Hulanda cu su nivel di estudio ta halto cu su diplomanan tin su balor.

El a haci un invitacion na tur persona cu kier sa mas kico Universidad di Aruba ta ofrece. Lo tin diferente booth cu diferente studiante di cada facultad, como tambe docentenan pa informa e interesadonan.

 

- Advertisement -

DUNA COMENTARIO

Please enter your comment!
Please enter your name here