Home General Den un forma innovativo Setar ta renobando tur su teleshopnan

Den un forma innovativo Setar ta renobando tur su teleshopnan

62
0
SHARE
- Advertisement -

Director di SETAR, Roland Croes

ORANJESTAD (AAN):  Recientemente  Setar NV a haci reapertura di su Teleshop na Santa Cruz completamente renoba. Setar ta creando un estilo nobo pa su tiendanan  unda cu e diseño na e entrada ta refleha e kiwi,  cual ta un di e simbolonan di naturaleza di Aruba como tambe e colornan blauw cu ta incorpora den e logo di Setar.

Manera por a constata, e teleshopnan ta brindando e clientenan un experiencia nobo y moderno den e esfera di telecomunicacion. E clientenan por disfruta di varios screen cu informacion y contenidonan local. Un area cu informacion special ariba e oferta di Cable TV, otro cu e surtido di celularnan y accesorionan.

Tur esaki awor ta den un forma innovativo cu Setar ya caba ta treciendo na diferente di su telehop manera San Nicolas y na Oranjestad, ariba Irausquin Plein banda di Postkantoor.

Director di Setar, Roland Croes a indica cu esaki ta e di tres teleshop cu ta wordo renoba pero despues di esaki lo sigui bay na otro localidadnan manera Noord, Palm Beach pa bolbe bek na Seroe Blanco.

15 aña pasa Setar tabata tin un concepto cu nan a mantene pero a yega e ora pa e compania bay den e ‘next level’. Servicio na e cliente ta un di e parti mas importante pa Setar ya cu e compania no ta existi sin su clientenan, Croes a indica.

“Nos ta den un mercado di competencia. Kiermen cu tur dia mester produci y mantene nos clientenan. Clientenan no ta bin automatico. Nan ta bin ora cu bo ta duna nan algo otro, algo unico y e ‘value for the money'”, e director di e compania di telecomunicacion a expresa.

E tienda aki ta crea un ambiente unda e cliente ta yega cu smaak y ta wak kico ta e productonan cu e compania ta brinda. E cliente ta wordo ricibi door di un ‘host(ess)’ cu lo yuda cu cualkier pregunta.

Mas y mas lo brinda e posibilidad di yuda pa loke ta areglonan di pago y problema cu ekiponan. Kier crea un ambiente unda e cliente ta sinti su mes na cas, Roland Croes a remarca.

El a gradici e contratista, e arkitecto, e empleadonan cu a traha duro pa na final tin e tienda manera e ta aworaki. Banda di esaki a gradici Gobierno, Minister Chris Romero, Hunta di Comisario, cu a haci esaki posibel.

Finalmente, Minister Romero a felicita Setar NV pa e logro aki y a bisa cu e renobacion aki ta refleha e inversion y innovacion continuo di e compania nacional di telecomunicacion den su infrastructura.

E remodelacion di e teleshop ta un inversion grandi pa e districto di Santa Cruz y pa e economia di e isla. “Como gobierno di Aruba nos ta encurasha nos companianan cu ta inverti den desaroyo y economia di nos dushi isla Aruba”, a declara.

 

- Advertisement -

DUNA COMENTARIO

Please enter your comment!
Please enter your name here