Home Salud CAO pa empleadonan di Hospital a keda aproba unanimamente

CAO pa empleadonan di Hospital a keda aproba unanimamente

136
0
SHARE
- Advertisement -

Gina Maduro, presidente di ABV:

ORANJESTAD (AAN) – Despues di a culmina e proceso pa e Contrato Colectivo di Hospital dr. Horacio Oduber, Gina Maduro presidente di ABV a contesta algun pregunta di prensa.

Gina Maduro a splica esaki tabata un reunion basta largo, pasobra Hospital ta un organizacion grandi cu un monster di CAO cu 15 diferente punto cardinal y cu ta aplica pa mas di 1.300 persona di diferente instancia, manera HOH, Banco di Sanger, Respaldo, FCLMA, y pa un proceso di e magnitud aki a tuma mas di 20 luna. Esaki a cuminza dia 15 di Maart 2018 y el a cera Diahuebs merdia, y lo wordo firma Diamars entre Hospital hunto cu e sindicato, y prensa cu lo wordo invita.

Maduro a papia di un CAO exitoso, pasobra den e transcurso di 20 luna y tur e puntonan a keda acorda prome cu e wordo firma. Kiermen, el a wordo acepta unanimamente.

Despues di tur e situacion cu e empleadonan a pasa aden durante 2019 cu ta un aña hopi pisa pa e trahadornan, y awo cu e problema di IT acerca, cu a pone e cherry riba e bolo, y awor tur cos ta manual. No obstante ABV ta mire for di e parti positivo, cu awo e team ta mas uni, mas hunto cu nunca. El a subraya nan ta campeon, cu e ta kere cu no tin un organizacion na Aruba cu por evacua mihor cu’ne. Nan ta bon entrena pa calamidad y awor cu e problema cu IT cu tur cos ta bay manual, nan ta sigui tur e proceso rekeri te ora cu nan ta on bek.

Gina Maduro a menciona cu e problema di e sistema ta basta grandi y no tin fecha pa bin bek. Nan mester a haci tur e computernan limpi, y e programa server ta situa na Kansas City y los informacion mester “clear up” henter e proceso, prome cu poco poco por ta online.

Un computer riba cada afdeling pa docter, radiologia, y esnan mas urgente ta bin prome online poco, poco, y pa despues henter hospital ta online ta tuma tempo.

E trahadornan ta cooperando hopi y ImSan tambe ta colaborando cu Hospital, y sra. Maduro ta spera cu e pueblo tambe por duna su contribucion.

- Advertisement -

DUNA COMENTARIO

Please enter your comment!
Please enter your name here